Berritasunak haur, gazte eta nerabeentzako ikastaroetan

Argazkilaritza digitala eta patchwork eskainiko dituzte lehenbizikoz.

olatz mitxelena

2016/09/07

Zeramika egin dezakete haur eta nerabeek

Pasaiako Udalaren Gazteria Departamentuak gazteentzako ikastaroak antolatu ditu aurten ere, baita haur eta nerabeentzat ere. Urriaren 13an ekingo zaie jarduerei eta izena emateko epea, berriz, hilaren 15ean zabalduko dute. Ikastaro guztiak bederatzi hilabetekoak dira, hau da, ikasturte osokoak. Plaza kopurua mugatua da eta matrikularen prezioa haurrentzat 53,50 eurokoa da eta gazteentzat 62,50 eurokoa. Izena emateko epea urriaren 5ean bukatuko da. Informazio gehiago eskatu nahi duen orok Udalaren Gazteria Departamentura jo dezake (Euskadi Etorbidea, 61, Trintxerpe –Udal-euskaltegiaren ondoan–), edo 943 0043 30 telefono zenbakira deitu, astelehenetik ostiralera, 09:00etatik 14;:00etara. Haur eta nerabeentzako ikastaroak:

Manga komikiak eta ilustrazioa: Ikastaro hau 9 -16 urte bitarteko gaztetxoentzako da, testu edo gai bat ilustratzen, eta manga japoniar estiloko komikiak, testua dutenak edo gabeak, sortzen trebatzeko da.
Patchwork: Hainbat forma eta kolore oihalak josiz haur liburuak, estutxeak, poltsak, apaingarriak,… egiteko ikastaroa.
Marrazketa, buztina eta pintura: 6 eta 10 urte arteko haurrentzat eta 11 eta 16 urteko nerabeentzat.
Eskulanak: fieltrozko brotxeak, ispilu zatiekin egindako kaxak eta koadroak, kamiseten eta zapatilen diseinua, goma-ebaz egindako figurak, koloretako hareekin koadroak eta botilak, eztainua bozeltzea,…
Zeramika: Buztina ezagutzeko teknika ohikoenak ikasiko dituzu. Zeramika erabilgarria (ontziak,…), zeramika apaingarria eta modelaketa ( maskarak,…).

Gazteentzako ikastaroak:

Marrazketa eta pintura: Gazteentzako ikastaro honek hiru modulu izango ditu: marrazketaren oinarriak, kolorearen eta pinturaren oinarriak eta plastika-garapena.
Argazkilaritzako ikastaroa: Zure kamara ezagutu eta errendimendua ateratzeko, argazkiak deskargatu eta ordenagailuan lantzeko, erretratuak, gauez argazkiak egiteko teknikak, paisaiak, makro argazkiak, time-lapseak,…egiteko ikastaroa.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.