2016-2017 denboraldiko jokalariak aurkeztu ditu Touringek. Argazkia: Foto Poly.
Touring Kirol Elkarteak 2016-2017 denboraldiko jokalarien aurkezpena egin zuen joan den igandean Fanderiako futbol zelaian. 450 jokalari izango ditu denboraldi berrian talde gorritxoak. Horietatik 150 futbol eskolan arituko dira eta gainontzekoek hemezortzi taldeetan banatuta jokatuko dute. Talde horietatik 12 gizonenak dira eta 6 emakumeenak.
Errenteria-Oreretako futbol elkarteak Ohorezko Kadete Mailan hirugarren taldea izango du, gainera, denboraldi berrian, igo berria da talde hori.
Errenteria Hiria Txapelketan, hirugarren
Joan den asteburuan jokatu zuten Fanderiako zelaian Errenteria Hiria Txapelketaren XXXVIII. ekitaldia, eta hirugarren sailkatu zen Touring Hondarribiari 2-0 irabazi ondoren postu horretarako lehian. Tarragonak eta Laguillok sartu zituzten golak. Txapelketaren irabazle Real Union izan zen, bigarren Oiartzun, eta laugarren Hondarribia.