Lezo prest dago jaiei ekiteko
Lezo jai giroan sartuko da gaur. 19:00etan hasiko dira santakrutzak.
Gaur, 19:00etan, hasiko dira Lezoko Santakrutz Jaiak. 19:00etan Alkate Txikiek ekingo diote igandera arteko jai aroari. Agintari gazteen pregoiaren ondoren, aurten sariak jaso dituzten Murixkako dantzariek jasoko dute bandera, Agurra dantzatu aurretik. Jarraian, Lezoko herria ereserkiaren garaia izango da. Hunkigarria jaien hasiera.
Igandera arte (hilaren 18ra arte) 60tik gora ekitaldi izango dira jaietan. Esanguratsuenetakoa gaur bertan: Allerru, Altzate, Ixkulin eta Tiñeluren danborra handia. Has dadila jaia!
Gaurko egitaraua (asteartean, hilak 13)
- 19:00etan, jaiak hasteko ekitaldia Gurutze Santuaren plazan.
- 19:30ean, Gurutze Santuaren bezperak.
- 20:30ean, erromeria Fan&go taldearekin Gurutze Santuaren plazan.
- 22:45ean, Allerru, Altzate, Ixkulin eta Tiñeluren danborradak. Denak Gurutze Santuaren plazan elkartuko dira.
- 00:30ean, erromeriaren jarraipena.
- 07:00etan, gaupaseroen argazkia Gurutze Santuaren plazan.
- 10:00etan, diana Munttar Lezoko Txistulari Elkartearekin.
- 11:00etan, gazteentzat zinta lasterketa Goiko Plazan.
- 11:00etan, haur jolas tradizionalak Euskal Herria plazan.
- 12:00etank, herri kirolen erakustaldia Gurutze Santuaren plazan.
- 12:30ean, Tartekoen eta Arrantzaleen bazkarietako partaideen bilkura Kale Nagusian.
- 14:30ean, I-14 eguna hasteko suziria botako dute udaletxetik.
- 14:30ean, Lezoko Irrizaleen bazkaria Goiko Plazan (euria egiten badu Lezo Herri Eskolan).
- 14:30ean, Tartekoen bazkaria Karlos Saldise plazan.
- 15:00etan, Arrantzaleen bazkaria Bekoerrota kiroldegian.
- 17:00etan, apar jokoa Goiko Plazako pilotalekuan.
- 17:00etan, Josetxo Etxandi XLI. Oroitaldia pilota txapelketaren federatuen finala Bekoerrotako pilotalekuan.
- 18:00etan, erraldoi eta buruhandien kalejira Munttar Lezoko Txistulari Elkartearekin, Bekoerrotatik.
- 18:00etan, Jaixkipe txarangaren kalejira.
- 19:00etan, erromeria Lisker taldearekin.
- 22:00etan zezensuzkoa Gurutze Santuaren plazan.
