Sorosle eta lehen sorospen ikastaroa emango du DYA-k

Ikastaroan parte hartzeko ez da aurretiko ezagupenik behar, eta helburua egunero aurki daitezken arrisku egoerei nola erantzun erakustea da

Ikerne Zarate Gartziarena

Errenteria-Orereta

2016/09/15

DYAk antolatutako suspertze oinarrizko tekniken ikastaroa.

Ongizatea eta osasuna sustatzeko egiten duen lanaren barruan ikastaroa emango du DYAren Irakaskuntza Eskolak, Sorosle eta Lehen Sorospen ikastaroa, hain zuzen ere. Ikastaroan parte hartzeko ez da aurretiko ezagupenik behar, eta helburua egunero aurki daitezken arrisku egoerei nola erantzun erakustea da: “Bihotz eta birika susperketa, zauriak, hausturak, erredurak… nola tratatu ikasiko dute ikastaroetan teoria eta praktika uztartuta”. Ikastaroa hilaren 26tik urriaren 10era bitartean egingo dute, astelehenetik ostegunera 10:00etatik 12:00etara. Frogak gainditzen dituztenek Sorosle titulua jasoko dute. Matrikulak 110 euro balio ditu eta ikasle kopurua mugatua da. Ikastaroak Errenteriako Koldo Mitxelena Institutuan egingo dituzte, eta izena eman edo informazio gehiago eskuratu nahi dutenek, 943 46 46 22 telefono zenbakira deitu beharko dute. Oinarrizko bihotz biriken suspertzea Bihotz arnasketa geldialdia identifikatzen, oinarrizko bihotz biriken suspertze (BBS) mugimenduak egiten eta DEA (kanpoko desfibriladore automatikoak) erabiltzen ikasteko doako tailerra egingo du bestalde DYAk. Hilaren 19an izango da, 16:00etatik 18:00etara.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.