Atlantikaldia iristear da, ostegunean hasiko da. Badaude jarduerak aldez aurretik izena eman behar dena.
Hainbat herrialdetako sukaldaritza ezagutzeko egongo da herriko elkarteetan.
Jakina da hilaren 22tik 25era dela III.
Atlantikaldia. Horren barruan,
aldez aurretik izena eman behar diren ekitaldiak daude. Horien artean, Sukaldian eta Azoka Gynkhana dira oraindik plaza guztiak bete ez dituztenak. Horregatik Atlantikaldiko kideek herritarrak animatu dituzte horietan izena ematera. Horra bi jardueren gaineko informazio gehiago.
Sukaldian
Herriko elkarte gastronomikoetan hainbat herrialdetako jakiak egiten ikasteko jarduera da, hilaren 24an. Plazek muga dute, 15 pertsonakoa elkarte bakoitzean. Horretan parte hatzeko bi aukera daude, tailerrean bertan eta ondorengo bazkarian, edo bazkarian soilik. Izena
Atlantikaldiaren webgunean eman behar da.
Antolatzaileek esan dutenez, plater tradizional bat eta postre tipikoa egiten irakatsiko da goiz osoan zehar. Ondoren, tailerrean parte hartu dutenek eta izena eman duten bestelako herritarrek batera bazkalduko dute. Elkarte gastronomikoek, aldiz, bertako pintxo bat egingo dute, ekintzaren helburua kulturen arteko trukea eta ezagutza gastronomiaren bidez gauzatzea baita.
Ondokoak dira parte hartuko duten elkarteak, eta horietan landuko dituzten plateren jarorria:
- Nepal – Niessen elkartea
- Galizia – Gure Toki
- Ijito Herria – Alkartasuna
- Txina – Euskaldarrak
- Nigeria – Gau Txori
- Maroko – Bukagaitz
Azoka Gynkhana
Atlantikaldiaren barruan, hilaren 24an,
Usainen eta zaporeen bidaia izeneko azoka egingo dute. Horren barruan, antolatzaileek proposatu dute Azoka Ghynkana izekeo jarduera egitea: erakusketa hori osatzeko, taldean, familian edo norbanako gisa gynkhana batean parte hartzeko aukera izango da. Azoka osatzen duten herrialdeekin harremana izango duten probak burutuko dira eta irabazleek saria izango dute.
7 taldek parte hartuko dute. Taldea osatzeko gutxieneko pertsona kopurua 3koa izango da. Familiek, lagun taldeek edo norbanakoek parte har dezakete. Jarduera larunbatean, irailaren 24an, egingo da, 16.30etik 18.00etara.
Izena
Atlantikaldiaren webgunean eman behar da.
Bestalde, ondoko PDFan, Atlantikaldiaren egitaraua ikus daiteke, laburtua.
Atlantikaldia.programa,txikia
