9 eta 13 urte arteko haur eta gazteei zuzendutako proiektua da.
Maddalen Dorronsoro eta Iñaki Tolaretxipi, Kontari proiektuaren aurkezpenean
erabateko saioan da. XXV. urteurrenaren ospakizun eta ospakizun artean proiektu berritzaileak lantzeko tartea ere bilatu dte koroko kideek. Kontari proiektua aurkeztu dute gaur goizean abesbatzako zuzendari Iñaki Tolaretxipik eta Maddalen Dorronsorok –Kontari zuzenduko du azken honek–, Foruen Plazan. Azaldu dutenez 9 eta 13 urte bitarteko gazteei zuzendutako proiektu berritzailea da, hezitzailea, “istorioak kantatuz kontatzeko” helburuz sortua.
Dorronsorok zehaztu duenez, “proiektu transbertsala” izan nahi du Kontarik. “Ez da abesbatza bat izango” zehaztu dute, “Kontari ez delako soilik abestea izango”. Harago jo nahi dute, eta ahotsa ez ezik, gorputz adierazpena eta sormena landuko dituzte. Horretarako ipuin musikatuak baliatuko dituzte, haur eta gazteek beren ideiak, kezkak, sentipenak, beldurrak eta pozak kantuaren bidez adierazteko aukera izan dezaten. Mugimendua eta dantza ere landuko dituzte, Kontarin bilduko diren haur eta gazteekin “gorputz osoarekin” kontatu eta kantatuko dutelako. Azkenik, ahotsari bereziki erreparatuko diotela ohartarazi dute, ohitura osasuntsuak sustatuz, eta gaztetxo bakoitzaren berezitasunak kontuan hartuz.
Matrikulazioa
Urrian hasiko du ibilbidea Kontarik. Izena ematen duten haur eta gazteek astean behin edota astean bitan joateko aukera izango dute, astelehen, astearte edo ostegunetan, 17:40etik 18:45era. Hilean 15 euro ordaindu beharko dute astean behin joaten direnek, eta 20 euro astean bitan joatekotan. Hasierako matrikula ere ordaindu beharko dute.
Eskolak Landarbasoren egoitzan emango dituzte, udal euskaltegiaren ondoko lokalean.
Interesdunek larunbatean egingo duten entsegu irekian parte hartzeko aukera izango dute. Probatu nahi duten haur eta gazteek 11:00etatik aurrera entsegu batean parte hartzeko aukera izango dute, “urtean zehar egingo den lanaren zati bat dastatzeko aukera izan dezaten”. Era berean, haurren entsegua bukatuta, egindako lanaren gaineko azalpenak emango dizkiete gurasoei. Entsegura joateko asmoa dutenei aurrez
mezu bidez izena emateko eskatu die Landarbasok.
Aurkezpena
Landarbasok azaroaren 19an du XXV. urteurrenaren kontzertua. Urte hauetan guztietan Landarbasoko kide izan direnek parte hartuko dute ospakizunean, eta egun horretan bertan aurkeztuko dute Kontari, izena ematen duten haur eta gazteak protagonista.
Informazio gehiagorako Kontariren
posta helbidera mezua bidaltzeko aukera dago.
