Errenteria-Oreretan, lehen bi indarrak, abertzaleak
EH Bildu eta EAJ dira Eusko Legebiltzarrerako hauteskundeetan Errenterian boto gehien jaso dituztenak.
EH Bildu eta EAJ izan dira lehen bi indarrak Errenteria-Oreretan. EH Bilduk 4.713 boto jaso ditu eta EAJk 4.082.
2012ko hauteskundeekin konparatuta EH Bilduk 892 boto galdu ditu eta EAJk 147 boto irabazi. Aurten eusko legebiltzarrerako hauteskundeetara aurkeztu den Podemos alderdia, hirugarren izan da Errenterian, 3.507 botorekin.
2012ko legebiltzarrerako hauteskundeekin alderatuta, beste datu esanguratsu bat: nabarmen egin du behera PSE-EEk Errenteria-Oreretan; 2090 botoko galerarekin, bigarren indarra izatetik laugarrena izatera pasa da. PP laugarrena, 118 botoko galerarekin.
Boto emaileak 2012an baino gutxiago izan dira, abstentzioa 3 puntutan igo baita Errenterian.
Horrela bozkatu du, beraz, Errenteria-Oreretak: EH Bildu, EAJ, Elkarrekin podemos, PSE-EE, PP.
Emaitzak zenbakitan, ondoko taulan ikusi daitezke.
2016ko Eusko Legebiltzarrerako Hauteskundeak Oreretan
