Atlantikaldiak herritarren parte hartzea nabarmendu du
2016ko Atlantikaldia amaituta, balorazioa egin du antolakuntzak eta herritarren parte hartzea azpimarratu du. Hurrengo urterako gogotsu geñditu dira aurtengoaren arrakasta ondoren.
Amaitu da hirugarren Kultur Topagune eta Musika Jaialdia den Atlantikaldia. Lau egunez murgildu du herria itsasoan eta jaian, eta herritarren parte hartzea nabarmendu nahi izan dute amaierako balorazioan.
“Egun hauetako arrakastak etorkizunerako bermea eman digu, ez dago zalantza izpirik”, adierazi dute antolatzaileek. “Berezko bizitza” duen Errenteriari lau eguneko bizitasuna eman diola gaineratu dute, eta horretan paper garrantzitsua bete dutela herritarrek. “Kalitatezkoa, anitza eta parte hartzailea” hitzekin deskribatu dute aro hau.
Itsasoa da Atlantikaldiaren gai ardatza, eta aurten aniztasuna nabarmendu nahi izan da. Izan ere, gai hori jorratu da eguneroko ekintzetan: hizkuntza gutxituen arteko elkarrizketak, hiztegiak, jatorri desberdinetako musika, jendea… Lanarekin harro, plaka bat jarri dute Zumardian, Atlantikaldian bertan jatorri desberdinetako errementariek sortutakoa; itsasoari eta etorkizunari begira.
Atlantikaldia amaitzean Zumardian jarritako eskultura.
