Aurresku eta Soinu Zahar txapelketak lehiatuko dira larunbatean Ibaiondon

Antxoko Ibaiondo pilotalekuan jokatuko dira lehiak, 18:30etik aurrera.

olatz mitxelena

2016/09/28

Izar Etxeberria, Aurresku Txapelketako irabazle Aimar Odriozola besarkatzen

Euskadiko XXXVI. Gipuzkoar Aurresku Txapelketa eta Euskadiko X. Soinu Zahar Txapelketa. Alkarkidek eta Gipuzkoako Dantzarien Biltzarrak elkarlanean antolatuta, horiexek lehiatuko dira larunbatean Antxoko Ibaiondo pilotalekuan, 18:30etik aurrera. Mutilen lehian, lau dantzari ariko dira aurten: Iker Sanz lezoarra, Ander Garcia donostiarra, Xanti Leonet oiartzuarra, eta Beñar Asensio lezoarra. Zozketak hala erabakira, izendatutako hurrenkeran irtengo dira oholtza gainera. Nesketan, berriz, bikoitza da parte hartzaileen kopurua. Zortzi dira guztira, eta ondoren zehaztutako hurrenkeran lehiatuko dira, kasu honetan ere zozketaz hala erabakita: Izar Aizpuru (Oiartzun), Udane Escudero (Oiartzun), Ane Urruzola (Villabona), Nerea Videira (Oiartzun), Nerea sasian (Elgoibar), Izar etxeberria (Oiartzun), Katerin Artola (Oiartzun) eta Nagore Indakoetxea (Errenteria). Garaikurrak Aurresku txapelketako sari nagusia, ohi bezala, aurten zendutako Tomas Muruaren eskulturagilearen garaikurra izango da. Berritasuna, ordea, emakumeen txapelketan dago. Izan Etxeberria oiartzuarrak txapelketa azken hiru urtetan jarraian irabazi duenez, garaikurra Oiartzunera behin betiko eramatea erdietsi du. Beraz, aurten, garaikur berri bat sartzen da jokoan: Koldobika Jauregi Saria. Soinu zahar txapeldunak Aurresku Txapeldunak

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.