Errenteriako EAJ: "Gure eskerrik beroenak bozkatu gaituzten 4.082 herritarrei"

Eusko Legebiltzarrerako hauteskundeetan herrian lortu duen babesagatik pozik dago Errenteriako EAJ. Alderdi Egunera joateko deia egin die herritarrei.

Urko Etxebeste Petrirena

Errenteria-Orereta

2016/09/28

EAJren hautagaiak 2015eko maiatzeko udal hauteskundeetara.

Errenteriako EAJ pozik dago Eusko Legebiltzarrerako hauteskundeetan jaso duen babesagatik. Horregatik eskerrak eman dizkie botoa eman dietenei, “gure eskerrik beroenak eman nahi dizkiegu bozkatu gaituzten 4.082 herritarrei. Gizartearen konfiantza irabazi dugu, hitz emandakoa betez eta herritarren alde lanean gogor arituz, eta bide horretatik jarraituko dugu”. EAJren eredua elkarlana eta bizikidetza direla adierazi dute. Baina etorkizunari begira ere jarri dira, esanaz aurrera begira “lan asko” dagoela egiteko, “pertsona oinarri hartuta, gizarte babesa, enplegua, gazteria, bizikidetza eta autogobernua dira aurrean ditugun erronka nagusienetako batzuk. Gogor ekingo diogu, beraz, lanari”. Bide horretan Errenterian ere lan egingo dutela adierazi dute jeltzaleek, “herriaren alde lanean jarraituko dugu”. Alderdi Eguna Igandean, urriaren 2an, EAJk Alderdi Eguna egingo du Gasteiz ondoko Forondan. Bertara joateko deia luzatu die Errenteriako EAJk herritarrei. Hori errazteko autobusa antolatu dute. Igandean 08:30ean aterako da Araba aldera autobusa, Batzoki zaharraren ondoko geltokitik. Autobusean izena emateko hiru bide jarri dituzte:

Zuzenean batzokira joan eta bertan izena eman.
943 00 25 09 telefono zenbakira deitu.
Posta elektronikora idatzi.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.