Dendetan ontzi berrerabilgarriak erabiltzeko apustua
Plastikozko poltsak beharrean ontzi berrerabilgarriak erabiltzeko kanpaina berriro hartuko du Errenteria-Oreretak. Abantailak izango ditu beregain hartzen duenak.
Dendetatik sukaldera, usain eta hondakinik gabe. Errenteriako Udalak, Kutxa Ekogunearekin batera, Ontziratu Zaitez kanpainari jarraipena emango dio arraindegi eta harategietako erosketetan ontzi berrerabilgarriak erabil daitezen, “eta ez plastikozko poltsak”. Urriaren 3an hasiko dira.
2014an abiatu zuten Ontziratu Zaitez kanpaina. Hondakinak Murrizteko Planaren barruan, urriaren 3an berriro abiatuko dute Errenteriako 10 establezimendutan. “Pausu bat haratago emango dute arraindegi eta harategiek”, diote. Ontzi berrerabilgarriak erabiliko dituzten herritar gehiago animatu nahi dituzte eta horretarako, hauen erabilera egiten dutenek abantailaren bat izango dute: 5 zentimoko deskontua erosketa bakoitzagatik. Ahorramas dendak plus bat erantsiko dio: ilaran lehentasuna izango du ontzi berrerabilgarria daramanak.
Dendariei laguntza emango die Udalak ekimena babesteagatik eta komunikazio kanpaina indartuko dute. Oraingoz, hauek dira kanpaina aurrera aterako dutenak:
Arraindegiak: Aguado, Oiartzun, Mari Ixabel, Ritxar, Maite Bakailuak eta Ahorramas.
Haragitegiak: Elizetxea, Mikel Mitxelena, Peio eta buenavista Hestebeteak.
Dendariei laguntza emango die Udalak ekimena babesteagatik eta komunikazio kanpaina indartuko dute. Oraingoz, hauek dira kanpaina aurrera aterako dutenak:
Arraindegiak: Aguado, Oiartzun, Mari Ixabel, Ritxar, Maite Bakailuak eta Ahorramas.
Haragitegiak: Elizetxea, Mikel Mitxelena, Peio eta buenavista Hestebeteak.
