Hitzaldi zikloa eta ikastaroak, Gaztañoko Auzo Elkartearen lokal berrian

Iparretarrak talde armatuko kide ohiak izango dira Gaztañon ostiralean hitzaldia ematen. Hilean behin antolatuko dituzte hitzaldiak egoitza berrian.

Ikerne Zarate

Errenteria-Orereta

2016/11/02

Jakinmina piztu zuen emakume kurduen gaineko hitzaldiak.

Gaztañoko Auzo Elkarteak lokal berria du, eta auzoari bizitza eman asmoz, ekintzez bete dute egoitza. Hiru ikastaro eskaintzen ari dira une honetan Gaztañoko Sorgunean, eta horrekin batera, hitzaldi zikloa egiten ari dira. Hilean behin egingo dituzte hitzaldi horiek, eta ostiral honetan egingo dute hirugarrena. Iparretarrak (IK) talde armatuko hainbat kide ohik emango dute hitzaldia 20:00etan hasita. Euskaraz izango da eta hitzaldiarekin batera, pintxoak jatekoa ukera izango dela esan dute antolatzaileek. Momentuz bi hitzaldi antolatu ditu Gaztañoko Auzo elkarteak. Lehena, energiaren gainean egin zuen Goiener enpresako kideekin, eta bigarrena emakume kurduen gainekoa. Orain arteko erantzunaren gaineko balorazio positiboa egin dute auzo elkarteko kideek, “azkenengo hitzaldian 65 lagunetik gora hartu zuten parte eta emaitzarekin gustura gaude oso”. Hitzaldiek alor politikoa eta soziala ikustuko dute besteak beste, baina ekarpenetara zabalik daudela gaineratu dute, eta horren harira proposamenak egitera animatu dituzte Gaztañoko auzotarrak zein Errenteriarrak. Txalaparta tailerra Hitzaldiekin batera, ikastaroak ere jarri dituzte martxan Gaztañoko Sorgunean. Momentuz haurrei begirako aeromodelismo ikastaroa martxan da eta baita Tai Ji ikastaroa ere. Txalapartarena abiatuko dute hilaren 7an. 20:00etan egingo dute aurkezpena. Gaztañoko auzo elkartetik auzoatarrak eta herritar guztiak animatu dituzte parte hartzera bai hitzaldietan eta baita ikastaroetan ere.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.