Helburua lortu eta gainditu

40 egunean 8.000 eurora iristeko apustua egin, eta laugarren egunerako gainditu dute jarritako helburua 'Pasaiako Badia' dokumentalaren egileek.

olatz mitxelena

Pasaia

2016/11/18

Rafael Delas, Pedro Mari Isart, Dioni Aizpuru eta Jose Mari Izura gogoratzeko ekitaldia, Donibanen, hil zituzten tokian.

Lehengo larunbatean ekin zioten Pasaiako Badia dokumental proiektua sustatzeko crowdfunding edo diru-bilketa kanpainari. 40 egunean 8.000 eurora iristeko apustua egin zuten proiektuaren bultzatzaileek eta laugarren egunerako gainditu. Eskertuta daude oso eskaerak izan duen erantzunarekin: “Eskerrak eman nahi dizkiegu, bene-benetan, proiektuarekin bat egin eta ekarpen ekonomikoa egin nahiz hedatzen lagundu diguten guztiei”, esan dute. Jendearen erantzunak “sekulako ilusio eta indarra” eman diela adierazi dute eta kalitatezko dokumental bat egin eta ahalik eta hedapen zabalena emateko are ardura handiagoa sentitzen” dutela gaineratu. Ekarpenak jasotzen jarraituko dute Crowdfunding kanpainari dagokionez 8.000 euroko apustua, beharrari baino, beren ustez lortu ahal zutenari erreparatuta ezarri zutela aitortu dute Oinatzak Produkzioak ekoiztetxeko kideek, baina beharrak handiak dira eta horregatik, aurrerantzean ere diru ekarpenak gustura hartuko dituztela iragarri dute. Horrez gain, erakutsitako babesa eskertzeko, crowfunding kanpaina bukatu bitartean dirua ematen dutenentzat, dokumentala estreinatzen dutenean emanaldi berezia antolatzea agindu dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.