Jolas parkea handitu eta zuhaiztiaren dentsitatea gutxituko dute, argitasuna lortzeko.
Azkueneko parkearen “giro hezea eta ospela zuzentzeko” lanak egingo ditu udalak Trintxerpen. Horretarako parkeko zuhaitz dentsitatea eta lorategia murriztuko dutela aurreratu dute, eta haurrentzako jolas eremua, aldiz, handitu. Segurtasun zoladura jarriko dute haurrentzako eremuan, eta jolaserako mahaiak jarriko dituzte.
Zuhaitz dentsitatea murriztuz argitasun gehiago lortu nahi dute, eta bide batez, “zuhaiztiaren garapen handiagoa eta hobea” lortu. Parkeko maldak leunduko dituzte, eta horrez gain, lurra prestatu eta zenbait lekutan zuhaixkak jarriko dituzte.
Udalak obrek dirauten bitartean -eguraldi opona eginez gero sei aste iraungo dute lanek– “pazientzia” izan dezaten eskatu die herritarrei eta lanek sortuko dituzten eragozpenengatik barkamena eskatu du aldez aurretik.
Berritze lan hauen bitartez Azkuene parkearen egoera hobetu nahi du udalak, “herritarrek egindako eskaera ugariei erantzunez”. Eremu hori herritar askok erabiltzen dutela jakinik hartu dute berritzeko erabakia.
Aurten, hiri mantenuan, 20tik gora jarduketa
2016. urtean zehar hiri mantenua hobetzeko asmoz “24 jarduketa ezohiko” egin dituztela jakinarazi du, bide batez, udalak. Horrez gain, 2.600 gertakari baino gehiagotan parte hartu dutela zehaztu dute, elkarte eta herritarrek egindako abisu eta eskariei erantzunez.
Jarduketa horien artean honako hauek nabarmendu dituzte: Euskadi etorbideko igogailuen kanpoaldeko garbitasuna; Azkuene kaleko bide-zorua zolatzeko obra; tratamendu irristagaitzak udalerriko zenbait kaletan; eraginkortasun energetikoko sistemak instalatzea eta kateen berritze-lanak Pabloeneako eskailera mekanikoetan; panel informatiboak jartzea barruti guztietan, eta azkenik, pantaila informatiboak jartzea autobusaren geralekuetan.
2016. urtean zehar hiri mantenua hobetzeko asmoz “24 jarduketa ezohiko” egin dituztela jakinarazi du, bide batez, udalak. Horrez gain, 2.600 gertakari baino gehiagotan parte hartu dutela zehaztu dute, elkarte eta herritarrek egindako abisu eta eskariei erantzunez.
Jarduketa horien artean honako hauek nabarmendu dituzte: Euskadi etorbideko igogailuen kanpoaldeko garbitasuna; Azkuene kaleko bide-zorua zolatzeko obra; tratamendu irristagaitzak udalerriko zenbait kaletan; eraginkortasun energetikoko sistemak instalatzea eta kateen berritze-lanak Pabloeneako eskailera mekanikoetan; panel informatiboak jartzea barruti guztietan, eta azkenik, pantaila informatiboak jartzea autobusaren geralekuetan.
