Bertsolari gazteei begirako Xenpelar Saria abian da

Xenpelar Sariaren kanporaketak hilaren 26an eta abenduaren 3an jokatuko dira Xenpelar Etxean. Finala berriz, Niessen Kulturguneak hartuko du abenduaren 8an.

Ikerne Zarate Gartziarena

Errenteria-Orereta

2016/11/22

Xenpelar Sarietako aurreko edizio bateko finala.

Xenpelar Saria, bertsolari gazteei begira Ereintza elkarteak eta Xenpelar Bertso Eskolak Errenteriako Udalaren laguntzarekin bi urtetik behin antolatzen duten lehiaketa martxan da. XXIII: edizioa izango du aurten, eta kanporaketak Xenpelar Etxean jokatuko dira. Lehena, larunbatean izango da, hilak 26an, 19:00etan eta bertan izango dira nor baino nor, Maialen Akizu, Aratz Igartzabal, Beñat Mujika, Asier Rubio, Sarai Robles eta Peru Abarrategi. Euskararen Egunarekin, abenduaren 3an jokatuko da bigarren kanporaketa, leku eta ordu berean. Eli Pagola, Asier Galarza, Nahia Sasco, Kerman Diaz, Txaber Altube eta Gemma Urteaga bertsolariak arituko dira saio horretan. Kanporaketa saioetarako sarrera doakoa izango da. Niessen Kulturguneak hartuko du finala abenduaren 8an, ostegunarekin. 17:00etan hasiko da saioa eta sarrerak 3 euro balio dute (16 urtetik beherakoek doan).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.