Euskararen Nazioarteko Egunaren harira adierazpen instituzionala onartuko dute biharko plenoan.
![euskaraz-bizi-nahi-dut-fondo-beltza](http://oarsoaldea.hitza.eus/site/files/2016/05/euskaraz-bizi-nahi-dut-fondo-beltza.jpg)
Larunbatean da Euskararen Nazioarteko Eguna, eta datozen egunotan hamaika ekitaldi izango dira ospakizunaren harira. Plenoan (bihar da, 19:00etan, Arizabalon), esaterako, udalak adierazpen instituzionala onartuko du.
Zer egin dezaket nik euskararen alde?, halaxe du izenburu aurten erakundeek eta eragileek adostu duten adierazpenak, eta horixe bera da bihar Pasaian onartuko dutena. “Euskara hizkuntza erabilia eta bizia izatea” bultzatu nahi dute adierazpenaren sustatzaileek.
Adierazpena zabaltzearekin batera Pasaiako Udalak herritarrei dei egiten die, abenduaren 3tik 10era balkoietan
euskaraz bizi nahi dut leloa duen banderola jarri dezaten. Horretarako, herritarrek gaurtik aurrera eskuragarri izango dituzte banderak udal liburutegietan eta ondorengo establezimenduetan: Pasai Antxoko Urdin paper-dendan, Trintxerpeko Lema paper-dendan, Pasai San Pedroko Isasa paper-dendan eta Pasai Donibaneko Ontziola tabernan.
Baina udalarena ez da izango euskararen aldeko ekitaldi bakarra Pasaian. Bixi-Bixi elkarteak,
hainbat jarduera antolatu ditu aste honetarako, tartean bihar
Xabier Isasik emango duen hitzaldia.
Adierazpena
2016-11-29ko Ohiko Udalbatzarra