Tabernak mozorro onenaren bila arituko dira
Parte hartu nahi duten tabernek, udaletxeko erregistrora jo beharko dute izena emateko 2017ko urtarrilaren 31 baino lehen, eta informazio eta argibideetarako Kultura azpi sailera jotzeko aukera izango dute, 943 44 96 34 telefono zenbakira deituta astelehenetik ostiralera 08:00etatik 14:00etara.
Inauterietako Batzordeak tabenen arteko mozorro lehiaketa antolatu dute berriz ere datorren urteari begira. Herri bozketa bidez mozorrotzeko gaia aukeratuta, musikalak, orain tabernei luzatu die gonbitea Inauterietan beraiek ere gaiarekin bat egin eta mozorrotu daitezen.
Parte hartu nahi duten tabernek, udaletxeko erregistrora jo beharko dute izena emateko 2017ko urtarrilaren 31 baino lehen, eta informazio eta argibideetarako Kultura azpi sailera jotzeko aukera izango dute, 943 44 96 34 telefono zenbakira deituta astelehenetik ostiralera 08:00etatik 14:00etara.
Baldintzak ere jakinarazi ditu Inauterietako batzordeak, lokalak atonduta egon behar dute 2017ko otsailaren 23ko 19:00etarako. Sariak, orain arte bezala, bi izango dira: bata 700 eurokoa arte ederretan aditua den talde batek emango duena; eta 300 eurokoa, herri bozketa bidez aukeratuko dena. Bi sarietan jasotako dirua 2018ko Inauterietan taberna mozorrotzeko materiala erosten laguntzeko izango da.
Herritarrek Herri Bizia webgunean prestatuko duten atalean bozkatzeko aukera izango dute. 
