Bederatzi kanturekin osatu du talde donostiarrak diskoa, Orekariak kaleratu eta bi urtera, eta luxuzko kolaborazioak izan ditu sei kantutan: Manu Chao, Fermin Muguruza, Aspencat, Itaca Band, Asier Beramendi eta Laskoraingo abesbatza.
Skakeitan taldeak Albaolan aurkeztu du ‘Galera’ azken lana. Argazkia: Mendi Urruzuno.
tadeak disko berria,
Galera, aurkeztu du. Leku berezia aukeratu du horretarako, Albaola Itsas Kultur Faktoria, eta zehatzago,
San Juan baleontzia. Borja Antonek, Olatz Salvadorrek, Pello Armendarizek eta Julen Idigorasek,
Galera zortzi urtetako garapen borobila dela esan dute, “soinu berria lortu dugu diskoarekin, gurea, baina Skakeitanen betiko sentsazioak eta esentzia mantenduta”. Bat etorri dira laurak, disko osatuena, bereziena dute
Galera.
Bederatzi kanturekin osatu du talde donostiarrak diskoa,
Orekariak kaleratu eta bi urtera, eta luxuzko kolaborazioak izan ditu sei kantutan: Manu Chao, Fermin Muguruza, Aspencat, Itaca Band, Asier Beramendi eta Laskoraingo abesbatza. Disko laburrena izanik, lan gehien suposatu diena izan dela esan dute, “inoiz baino sakontasun handiagoa lortu dugulako eta urtebetean buruari izugarri eragin diogulako kantu bakoitzean”.
Musikalki eta pertsonalki taldearentzat
Galera diskoa “iraultzailea” da, ” garapen bat dakar disko honek, naturala, ez dugu ezer bilatu. Lehenengo aldiz konposatu dugu inongo traba eta aurreiritzirik gabe. Musikari gisa identitate bat duzu eta identitate horrek lizentzia asko ematen badizkizu ere, morroitzak ere sor ditzake. Jakin dugu interpretatzen genuen identitate hori eta aire fresko bat eman diogu, Skakeitanen esentzia galdu gabe, nahiz eta berrikuntza askorekin datorren diskoa”.
Soinu elektrikoek kabida dute, “rocka oinarria duen disko gitarreroa” den Skakeitanen lan berrian. Hala ere eta rocka garrantzitsua izanagatik, estilo aniztasuna da nagusi diskoan: “Reggae eta dancehall estiloko doinu jamaikarren presentzia, hip hopa… iturri ezberdinetatik edandako estiloen fusio berritzailea somatu daiteke Galera diskoan”.
Ostiralean, abenduaren 2an hasiko da Skakeitan disko berria saltzen eta aurkezpen kontzertua gonbidatu bereziekin abenduaren 5ean egingo du Durangoko Plateruenea Kafe Antzokian. Durangoko azokan ere izango da Mauka diskoetxearen postuan donostiarren azken lana.
