Urteagarekin batera, lehenengo kanporaketa irabazi zuen Maialen Akizu, eta Beñat Mujika, Aratz Igartzabal, Aitor Servier eta Eli Pagola arituko dira Niessen Kulturguneko oholtza gainean txapela eskuratzeko lehian.
Bigarren kanporaketa jokatuta, finalera begira jarri dira bertsolariak.
Larunbatean jokatu zen Xenpelar Etxean Xenpelar Sarien bigarren kanporaketa Gemma Urteaga bertsolariak irabazi du. Abenduaren 8an jokatuko den finalerako txartela eskuratu du beraz, Urteagak. Urteagarekin batera, lehenengo kanporaketa irabazi zuen Maialen Akizu, eta Beñat Mujika, Aratz Igartzabal, Aitor Servier eta Eli Pagola arituko dira Niessen Kulturguneko oholtza gainean txapela eskuratzeko lehian.
Ziortza Agirrezabala aritu zen gai jartzaile larunbateko saioan eta Iñigo Legorburu, Patxi Petrirena eta Julian Albistur epaile lanetan. Lau ariketa egin behar izan zituzten sei bertsolariek lehenengo kanporaketa saioan bezala, bigarrenean ere, ofizioaren barruan hiruna bertso neurri eta doinu librean, eta hiruna bertso
Iparragirre abilla dela doinuarekin josi zituzten; bakarka hiru puntu erantzun; eta kartzelan, hiruna bertso zortziko handian. Hamabi bertso puntuagarri, guztira.
Bertso saioa “apala” izan zela esan dute antolatzaileek. Urtegak 216 puntu lortu zituen.
Niessen Kulturguneak hartuko du finala ostegunean. 17:00etan hasiko da saioa eta sarrerak 3 euro balio dute (16 urtetik beherakoek doan).
Sailkapena
- Maialen Akizu: 242,5 puntu.
- Beñat Mujika: 221 puntu.
- Aratz Igartzabal: 220,5 puntu.
- Eli Pagola: 206,5 puntu.
- Sarai Robles: 199,5 puntu.
- Asier Rubio: 189 puntu.
