[Argazkiak] Pentsio publikoen aldeko aldarriak bete ditu kaleak berriz ere

Pobrezioa energetikoaren amaitzeko eta pentsio duinak izateko eskubidea aldarrikatzearekin batera, Gipuzkoako Zaharren Egoitzetan plazak minimoetan daudela gogor salatu du Duintasunak.

Ikerne Zarate Gartziarena

Errenteria-Orereta

2016/12/05

Duintasunak pobrezia energitikoari aurre egiteko neurriak eskatu ditu.

Duintasuna elkarteak hilabeteko lehen asteleheneko elkarretaratzea eta manifestazioa egin ditu gaur. Pobrezia energetikoa salatu eta hari aurre egiteko konpromisoak eskatu ditu pentsiodunen eta jubilatuen elkarteak. Pobrezioa energetikoaren amaitzeko eta pentsio duinak izateko eskubidea aldarrikatzearekin batera, Gipuzkoako Zaharren Egoitzetan plazak minimoetan daudela gogor salatu du Duintasunak. Gipuzkoako 863 adineko plaza bat eskuratu zain daude elkarteak azaldu duenez, “2015eko ekainaren 30etik 2016ko ekainaren 30 arte egoitzetan sartzeko zain dauden adinekoen itxaron zerrenda %23,6 igo da”. Kopurua igo, baina itxaronaldiak ere gora egin duela esan du Duintasunak: “2014 urtean 124 egunekoa bazen itxaronaldia, aurten 140 egunera pasa da. Ez gara igarleak, baina orain urtebete esan genuena bete egin da. Iazko abenduan esan genuen politika sozialetara bideratutako diru zatia murrizteak Gipuzkoan menpekotasuna duten pertsonen eskubideak murriztuko zituela”. Itxaron zerrendak ez dira handitu Duintasunaren esanetan “biztanleriaren zahartzeagatik” eta aldundiaren “aurreikuspen eza” dela arrazoia gaineratu du: “Gastu horietara ez du nahikoa aurrekontua bideratu, ez du politika fiskal justu eta progresiboa ezarri, aberastasun eta fortuna handiei ezarritakoz erga bertan behera utzi du…”. Aldundiaren “Pertsonak Helburu” leloa ez dela hirugarren adinekoekin betetzen salatu dute. Duintasunak 2017ko urtarrilean ez duela elkarretaratzerik egingo jakinarazi du bestalde, eta hurrengo zita 2017ko otsailaren 6an jarri du. Aurretik ordea, Gipuzkoako Duintasunak Gipuzkoako Foru aldundiaren aurrean gizarte zerbitzu alorrean egindako murrizketak salatzeko elkarretaratzea egingo deula eta, bertan parte hartzera deitu ditu bildutako guztiak. Elkarretaratze hori, hilaren 20an, asteartea, egingo dute 10:00etan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.