Aitzol Gogorza etxean nahi dute

Aitzolen Azalera. Izen hori du Aitzol Gogorza euskal preso oreretarra etxera ekartzeko asmoz bere lagunek bihartik hasi eta igandera arte abiatuko duten iniziatiba.

Ikerne Zarate Gartziarena

Errenteria-Orereta

2016/12/08

Bihar hasiko dute Baraualdi-mintegia.

Aitzolen Azalera. Izen hori du Aitzol Gogorza euskal preso oreretarra etxera ekartzeko asmoz bere lagunek bihartik hasi eta igandera arte abiatuko duten iniziatibak. Bihar hasiko bada ere, iniziatibak gaur hartu du bere espazioa, Bilgunean egingo dute eta dagoeneko zintzilikatu dute hura kokatzeko irudia. Koloretsua eta bizia, hala egin dute Gogorzaren lagunek larri gaixo dagoen euskal presoa etxeratzeko iniziatibaren berri ematen duen irudia. Bihar hasita, asteburu osoan zehar baraualdi-mintegia egingo dute “Aitzol etxera ekarriko duten ideien plaza” bihurtu nahi duten Bilgunean. Izan ere ideiak bildu nahi dituzte, baina baita irudiak ere, eta horretarako larunbata eta igandean Aitzolen Azalera Photocalla egingo dute 10:00etatik 14:00etara eta 16:30etik 20:00etara. Bi egun horietan, gainera, 10:00etatik 20:00etara, Aitzol etxera ideien liburua osatuko dute. Baraualdian parte hartu nahi dutenek parez pare izango dituzte zabalik Bilgunearen ateak, baina baita baraualdian parte hartu ezin dutenek ere, «argazkia egin, ideiak partekatu, bisita egin… nahi duten guztiak ongi etorriak izango dira».

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.