12 cm ez dira gutxi

Ostiralean inauguratuko dute miniaturazko artelanak osagai dituen erakusketa, San Pedron; Turkia da aurten herrialde gonbidatua.

olatz mitxelena

Pasaia

2016/12/14

Sükrü Karakusen artelan batekin osatu dute erakusketa iragartzeko kartela; Euskal Herrian bizi da artista turkiarra.

Gabonetako beste klasiko bat ate joka ari da Pasaian. Ostiralean, hilak 16, 12 cm erakusketa inauguratuko dute San Pedron, udal aretoan, 19:30ean. Erakusketak 21. aldia du, eta urtero Gabonen inguruan antolatzen dute Pasaian, hemendik igarota, Hendaian geltokia egiteko. Erakusketa kolektiboa da 12 cm, eta urtero artista mordoak hartzen du parte, askotariko diziplinetakoa. Argazkigintza, arte grafikoa, ilustrazioa, teknika mistoak… denetarik topa daiteke erakusketan, baina lan guztiek izaten dute ezaugarri komun bat: tamaina. Artelanek, derrigor, 12 cm-ko neurria izan behar dute, eta hortik erakusketaren izena. 200 artista, 400 artelan Antolatzaileek jakinarazi dutenez, aurten, bikoiztu egin da parte hartzaileen kopurua. 200 artistek baino gehiagok egindako 400 lan inguru bildu dituzte erakusteko. Horrez gain, azken urteotan beti bada herrialde gonbidatu bat eta aurten Turkiaren txanda izango da. Erakusketa urtarrilaren 15era arte egongo da San Pedron. Ordutegia: Astelehenetik ostiralera: 18:30etik 20:30era. Igande eta jai egunetan: 11:30etik 13:30era. Oharra: Hilak 21, 24, 25, 31 eta urtarrilak 1,5 eta 6 itxita egongo da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.