"Enpatia faltarengatik tristura" agertu dute Trintxerpeko sutean kaltetuek

Bizilagunen helburua beren etxera ahalik eta azkarren bueltatu ahal izatea dela adierazi dute.

olatz mitxelena

2017/02/03

Bizilagunak, lehengo astearteko plenoa, protestan.

Udal gobernuak beren auziaren gainean emandako prentsaurrekoan agertu zuen “jarrera eta enpatia faltarengatik tristura” agertu dute Trintxerpeko Urtezaharreko sutean etxean galdu zuten bizilagunek. Udalarekin negoziatu eta akordio bat lortzeko itxaropena zutela agertu dute, baina agerraldian esan zituztenak entzunda, aukera hori, gaur gaurkoz “are urrunago” ikusten dutela esan dute. Bizilagunen arabera, udalak eman zuen prentsaurrekoan eman ziren datu asko ez dira zuzenak, eta “guztiz gezurtatu” dute elkartasunaren dirua udalak kendu diela esan izana: “Hau faltsua da, batzorde honek sekula ez du halakorik adierazi, are gehiago, udal honetan norbaiti eskerrak eman behar izatekotan, aurreko udal gobernuari eta bere alkate Amaia Agirregabiriari eman behar dizkiogu, baita gizarte zerbitzuei ere, beren inplikazioarengatik eta gure auzia beti lehenesteagatik”. Azkenik argi utzi nahi izan dute bizilagunen helburua dela etxera ahalik eta azkarren itzuli ahal izatea, eta horretarako etxeak berreraikitzeko baimena nahi dutela, beti ere “legeak ezarritako baldintzen barruan”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.