Aita Garayoa eta Musikalis abesbatzen doinuak ermitan

Ez da hilabete honetan antolatu duten emanaldi bakarra, hilaren 18an beste kontzertu bat izango da ermitan. Ekintza Xaribari abesbatzak egingo du emanaldia.

Ikerne Zarate

Errenteria-Orereta

2017/02/09

Bi kontzertuen berri emateko agerraldia egin dute gaur.

Aita Garayoa eta Musikalis abesbatzek kontzertua emango dute larunbatean Madalena ermitan. Bi abesbatzak ez dira bakarrik arituko, Musikabiko hamar bakarlari ere izango dira emanaldian. Ana Belen Garcia organista eta Monica Redondo eta Nanako Imai biolinistak izango dituzte laguntzaile bi abesbatzek, gainera. Egingo duten emanaldirako inguru hauetan entzunak ez diren bi obra aukeratu dituztela esan du Iñaki Carcamo zuzendariak: Johann Michael Haydn (Joseph Haydnen anai txikia) Austriako konpositorearen Missa Sancti Gothardi abestuko dute lehenik, eta bigarren zatian John Rutteren De la misa de los niños. Azken hori, publikatu berri duela Rutterrek esan du Carcamok, “beraz ez da ezaguna eta primizia moduan abestuko dugu”. Maria Magdalenaren Lagunak Kultur Elkarteak antolatutako kontzertua 20:00etan izango da. Baina ez da hilabete honetan antolatu duten emanaldi bakarra, hilaren 18an beste kontzertu bat izango da ermitan. Ekintza Xaribari abesbatzak egingo du emanaldia 20:00etan ere eta ermitan bertan. Azken horiek emanaldiaren lehenengo zatia ermitaren koruan egingo dute eta bertako organoa joko du Agurtzane Albisuak. Eliz musika izango dute ardatz lehenengo zati horretan, eta bigarrenean berriz, “bertako abesbatzen kantu tipikoak”, esan dute. Bi kontzertuekin bat egitera deitu dituzte herritarrak Maria Magdalenaren Lagunak Kultur Elkartetik, eta eskerrak eman dizkiote parte hartuko duten abesbatzei, “erakutsitako jarreragatik”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.