Lezo Herri Eskolako jolastokia estaltzeko lanak udan egingo dituzte

Proiektuaren helburua, haurrei eta herritarrei oro har, espazio estali berri bat eskaintzea dela esan du udalak.

2017/02/09

Horrela geldituko da Lezo Herri Eskolako jolastokia lanen ondoren. Argazkia: Lezoko Udala.

Herri Eskolako jolastokia estaltzeko proiektua jaso du udalak, eta lanak abiatzeko epea ere zehaztu du: uda. Aurtengo aurrekontu proiektuaren inbertsioen atalean aurreikusi zuen udalak jolastoki hori estaltzea. Proiektuaren helburua, haurrei eta herritarrei oro har, espazio estali berri bat eskaintzea dela esan du udalak, “eguraldi txarra egiten duenean, haurrek bereziki, non jolastu izan dezaten”. Duela aste batzuk eskatuta, orain jaso du udalak estalpearen gaineko proiektua UBEE Arkitektoak enpresak egin duena. Estalpearekin batera, ikastetxearen eraikina eta jolastokia isolatu egingo dituzte, “eskola orduetatik kanpo herritarrek eta kultura zein kirol taldeek egitura horiek erabiltzeko aukera izan dezaten. 450.933 euro Herri eskolako jolastokia egitura sinple eta arin batekin estaliko da eta argiztapen naturala eremu estalian sar dadin material gardenak erabiliko direla jakinarazi du udalak, egitura berriak inguru eta eskolako eraikinarekin bat egin dezan. Jolastokirako egungo sarbideak mantenduko dira, bestalde, baina itxitura berri bat jarriko dute herritarrek eskola orduetatik kanpo jolastokia erabiltzeko aukera izan dezaten. Eskola orduetatik kanpo izango dute aukera lezoarrek jolastokia erabiltzeko, eta baita larunbat, igande eta jai egunetan ere gaueko 21:30ak arte. Jolastokia estaltzeko 450.933 euroko inbertsioa egingo du udalak. Obrak berriz udan egingo ditu ikasle eta irakasleei ikasturtea amaitu bitartean eragozpenik ez sortzeko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.