Kiroldegiko arazoak arintzeko lanean ari da udala

Arazoari aldi baterako konponbide bat eman diezaion gaian aditua den enpresa bat kontratatu dute.

olatz mitxelena

2017/02/10

Euri ura erori ez dadin lanean ari dira kiroldegian.

Donibaneko kiroldegia egoera kaxkarrean da, eta neguko euriteek arazoa larritu besterik ez dute egin, lehengo astean areto futboleko emakumeen partida, Trintxerpe eta Idiazabal artekoa, bertan behera utzi behar izateraino. Egoeraren larritasunak udala neurriak hartzera behartu du. Prentsa ohar bidez azaldu dutenez, baina, neurriak behin behinekoak dira oraingoz, estalkiaren segurtasuna dela-eta, bertan ziurtasunez lanean jarduteko eskaera egina duelako Osalanek. Eskaera hori tarteko ezi izan dituzte “garaiz eta egoki” ohiko garbiketa lanak egin, eta horren ondorioz, ohi baino ur gahiago sartu da kirol pistan. Neurriak Egoera arintze aldera behin-behineko neurriak hartu dituzte. Zehaztu dutenez, estalkiko egoera arintzen saiatu dira, kanpoaldetik jardunda, baina ez da nahikoa izan. “Ura biltzeko bi erretenetako bi tokitan behintzat saneamendu partziala egin behar da” ohartarazi dute, egiteko hori kanpotik egin beharra dagoela gaineratu. Hori dela eta gaian aditua den enpresa baten laguntzaz baliatzea erabaki dute, gaiari aldi baterako konponbide eman eta kirolariek pista berme guztiekin erabiltzeko aukera izan dezaten. Ura sartzen denerako bi lona ezarri dituzte azaldu dute, tutu baten bitartez euri urak kanpoaldera bideratzeko. “Egoera, beraz, kontrolatua dago, eta orain estalkiko erretenak lehortu zain egon beharra dago, gerora, kanpoaldetik behin betiko tratamendua egiteko”, azaldu dute. Bien bitartean, gobernu taldeak barkamena eskatu du, eta eskerrak eman dizkie bai instalazioko erabiltzaileei, bai kiroldegiko langileei ere, arazoa arintzen saiatu direlako.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.