[Galeria] Zomorrozinko asko poztu da Haurtzaron

Haurtzaro Ikastolaren ere Ihoteak ospatzen ari dira. Zomorrozinko pertsonaia algaraka eta jauzika hasi da sorginak ikusi dituenean. Magia hutsa.

Urko Etxebeste Petrirena

Oiartzun

2017/02/17

Haurtzaro Ikastolako anfiteatroa goraino bete da gaur arratsaldean.

Horiek bai bai jauziak eman dituenak gaur Zomorrozinkok sorginak ikusi dituenean! Hori poztasuna! Haurtzaro ikastolako anfiteatroan elkartu dira, denbora askoz ikusi gabe ondoren. Gainera, ehunka haur izan dira elkartze horren testigu. Magia sortu da hor. Magia hutsa. Ihoteak dira. Ihoteen barruan ekitaldia egin dute gau arratsaldean Haurtzaro Ikastolan. Txikienek ikastolako jolastoki nagusiko harmaila guztiak topera bete dituzte. Nola zeuden jantzita suposatzekoa da. Zakuz. Guraso eta senideak ere bazeuden ikuskizuna ikusten, denak ez ordea zakua soinean. Baina tira, giro ederra denen artean sortu dutena. Oso. Ihoteen pertsonaien aurkezpenaren ondoren, badaezpada, sorginei eta Zomorrozinkori esan diete aurten ikastolak 50 urte betetzen dituela. Zorionak zuri abestu dute denek. Eta ondoren, auzo guztietako banderak, bakoitzari dagokion kolorearekin, zintzilikatu dituzte Ihotedromo bilakatu den eremuan. Festa handia ikastola barruan egin dutena. Eta ondoren, kanpora atera dira. Plazaraino joan dira ehunka zaku txikiak, prozesio marroian, baina koloretsuan. Eta zarata izan dute lagun, burrunban, soinu tresnekin egin baitute bidea ikastolatik herriaren erdigunera. “Hemen dira Ihoteak”, esan dute. Han, plazan, txokolatada, Haurtzaro Dantza Taldearen saioa eta muxikoak izan dira. Ondoren iristekoak ziren intxixuak eta sorginak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.