Hirigune historikoa biziberritzeko jardunaldietan Espainiako Estatuko eta Euskal Herriko 60 teknikari bilduko dira astelehenean.
Morrontxo dorretxea, goiko kalean.
Hirigune historikoa biziberritzeko jardunaldiak egingo dituzte astelehenean Errenteria-Oreretan. Horietan, Espainiako Estatuko eta Euskal Herriko 60 teknikari bilduko dira. Errenteriako Udalak eta Teknalia enpresak antolatu dute jardunaldia, eta besteak beste, arazoak identifikatu eta horiei aurre egiteko bideak identifikatuko dituzte, baita kudeaketa ereduak ere, eta finantziazio era berriak eta kudeaketa ereduak ere aztertuko dituzte jardunaldian.
Bereziki hirigune historikoak aztertuko badituzte ere, auzo historiko ezberdinak eta horien birgaitze energetikoa ere jarriko dute mahai gainean.
Hirigune historikoa biziberritzeko bulegoa
Errenteria-Oreretaren Hirigune Historikoa biziberritzeko bulegoa epe laburrean zabalduko du udalak, eta horren harira antolatu du jardunaldia. Bulego hori, Oarsoaldea Garapen Agentziarekin elkarlanean jarriko du martxan. Errenteriak, Erdi Aroko trama duen hirigune aberatsa duela nabarmendu du udalak, “horri balioa eman nahi dio udalak. Zeharkako gaiak ere landu nahi dira, erdialdearen garrantzi urbanistikoa, ekonomikoa eta soziala, betiere garapen iraunkorra bermatuta”.
Astelehenean goizeko 09:00etan hasiko da jardunaldia.
Egitaraua
- 09:00-09:30: Etorrera eta Julen Mendoza alkatearen ongi etorria.
- 09:30-09:45: Jardunaldien irekiera.
- 09:45-10:15: Juan Rubio del Val azalpena. Sociedad Municipal Zaragoza y Vivienda, SLU.
- 10:15-10:45: Kaferako etenaldia.
- 10:45-11:15: Jose Mari Aierdiren azalpena. NASUVINSA Navarra de suelo y vovienda SA.
- 11:15–11:45: Angel Panero-ren agerpena. Consorcio de Santiago de Compostela.
- 11:45–12:45: EAEko Birgaitzeko Hirigintza Elkarteen agerpenak. Bilboko SURVISA eta Bermeoko Udala.
- 13:00–14:30: WorldLunch-a.
- 14:30–15:00: Ondorioak eta hurrengo pausuak.
- 15:00: Jardunaldiaren bukaera
