Trapujalek 30 urte aurten. Errudun izango al da?

Trapujale hiru hamarkadara iritsi da. Horregatik, urteurren biribila behar den bezala ospatzeko, ekitaldi bereziak egingo dituzte Lezoko inauterietan.

Urko Etxebeste Petrirena

Lezo

2017/02/17

Trapujaleri epaiketa hilaren 28an egingo diote.

Urteurren biribilarekin datoz aurten Lezoko inauteriak: Trapujalek 30 urte bete ditu. Horren harira, eta ohikoak diren inauteri ekitaldiak baztertu gabe, jarduera bereziak egingo dituzte hilaren 23an Ostegunzuriarekin hasiko diren inauterietan. Berritasunen artean, argazki lehiaketa. Udalak, jai batzordearekin elkarlanean, antolatu ditu Lezoko inauterietako ekitaldi gehienak. Trabujalek hiru hamarkada bete dituela ongien adieraziko duen jarduera hilaren 27an, Astelehenarrean egingo dute. Izan ere, Korri, Xalto eta Brinkoren Trapujale emanaldiaren ondoren (18:30ean hasiko da) Marinazkane eta zirikuak ipuin berria aurkeztuko dute. Gainerakoan, eta berritasunen artean, inauterietako argazki lehiaketa dago. Eta badu harremana Trapujaleren 30. urtebetetzearekin. Izan ere, lehiaketaren gaia pertsonai horrekin lotura duten argazkiak biltzea izango da, gehienez, 10 pertsonako. Horiek Lezoko Udalak jaietarakom duen APPera igo behar dira. Argazkiak hilaren 23tik martxoaren 2ra bidal daitezke Argazki lehiaketa atalera; ondoren, martxoaren 3tik 8ra herritarrek dauden argazkien artean sei aukeratu beharko dituzte, eta handik aterako da lehiaketaren irabazlea. Nork irabazi duen martxoko udal aldizkarian jakinaraziko dute. Bestalde, honakoa da jai batzordeak antolatu duen egitaraua. Bertan ere daude Lezoko Gazteen Asanbladak eta Demoarsok elkarlanean antolatutakoak. Ekitaldietan parte hartzeko eskatu diete herritarrei. Hilak 23, Ostegunzuri

16:00etan, Lezo Herri Eskolan harrera egingo diote Trapujaleri.
19:30ean, Trapujale Martizkone baserritik jaitsiko da Gurutze Santuaren plazara.

Hilak 24, Ostiralori

09:30ean, Lezo Herri Eskolako ikasleen desfilea. Ondoren, kiroldegian, Herri Eskolakoek eta Institutukoek Haur zinema emanaldia eskainiko dute.
11:00etan, Pasaia-Lezo Lizeoko ikasleek Trapujale festa egingo dute Gurutze Santuaren plazan, euskal inauteri dantzen emanaldiarekin, eta Trapu Jolasekin.
17:00etan, Sorgin Dantza eta Zirikuen kalejira Murixkaren lokaletik abiatuta, Gurutze Santuaren plazara arte.
19:00etan, poteoa Tiñelutik abiatuta.
19:30ean, Lezoko Euskal Dantzazaleek desfilea egingo dute, Luzaideko inauteria.
20:00etan, kartelada.
21:00etan, desfilea Gurutze Santuaren plazan.
Ondoren, herri afaria kiroldegiko pilotalekuan (txartelak, 20 euro. Tiñelun salgai).

Hilak 25, Larunbatgorri

16:00etan, kalejira Lopene plazatik Gurutze Santuaren plazara, eta han, txokolatada. Eguraldi txarrarekin Karlos Saldisetik hasiko litzateke kalejira, eta kiroldegiko pilotalekuan bukatu.

Hilak 26, Igandeubel

12:00etan, Murixka Dantza Taldearen kalejira euren lokaletik abiatuta. Karlos Saldisen bukatuko dute bidea.
20:00etan, Gezalan, Xentimorik Gabe taldearen Putinen guardasola antzezlana.

Hilak 27, Astelehenarre

17:00etan, mozorroen festa Karlos Saldise plazan.
18:30ean, Korri, Xalto eta Brinkoren Trapujale saioa. Ondoren, Marinazkane eta zirikuak ipuinaren estreinaldia.

Hilak 28, Asteartebeltz

15:15ean, Lezo Herri Eskolako ikasleek Trapujaleren epaiketa txikia antzeztuko dute Gurutze Santuaren plazan.
19:30ean, Trapujaleren epaiketa Gurutze Santuaren plazan, eta herio bidaia.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.