[Bideoak] Antxotarrak motorrak berotzen
Igandean, motorzaleen konpartsa irtengo da, eguerdian.
Adi egonez gero, Antxon entzun daiteke motorren burrunba. Igandean irtengo dira konpartsan motorzaleak, 12:00etan.
Hilabeteak entseatzen eman eta gero, desfilean parte hartuko duten haur, gazte eta helduek dena prest dute: koreografiak ederki ikasiak, eta jantzi beltza sasimakarra eta oso-oso fashion-ak armairutik aterata.
Larunbatean, bazkaria
Hori baino lehen, ordea, larunbateko etorkizunerako bidaia. Jai Batzordeak herri bazkaria antolatu du, eta txartelak salgai jarri, Mimos eta Kamio tabernetan. 10 euro balio du helduen txartelak, eta 5 euroan eros daitezke haurrenak.
Afaria, berriz, gazte asanbladaren eskutik, kultur etxean. Txartela oraindik ez duenak, badu aukera, baina 12 euro ordainduta. Sare sozialen bidez erosi behar da, gazte asanbladari idatzita.
Eta bazkari eta afari artean, azkenik, “karropoteo intergalaktikoa”, 19:00etan, Gure Zumarditik.
