Gaxuxa Emakumeen Elkarteak martxoaren 1etik 17ra hainbat jarduera antolatu ditu, Emakumeen Egunaren harira. Horien artean, ikastaro bat.
Aurten ere Gaxuxak erakusketa jarriko du Kultura Aretoan.
Gaxuxa Emakume Taldeak, Lezoko Udalarekin elkarlanean, Emakumeen Egunaren harirako hainbat ekitaldi antolatu ditu. Orotarikoak dira, eta martxoaren 1etik 17ra egingo dituzte. Ikastaroak, ikus-entzunezkoak, hitzaldiak, erakusketa eta ibilaldia daude jarduera sortaren barruan.
Denboran gehien luzatuko dena maitasun erromantikoari buruz egingo duten ikastaroa da. Martxoaren 1,, 8 eta 15ean egingo dituzte horren barruko saioak, 17:30etik 19:30era, musika eskolan. Lordi Saralegik gidatuko ditu horiek,
Maitasuna eta harreman osasuntsuak izenburupean. Doan da ikastaroa, eta izena Gizarte Zerbitzuen bulegoan eman behar da, baita
esteka honetan sartuta ere.
Iraunkorra izango den beste jarduera erakusketa da. Urtero atontzen du Gaxuxak erakusketa Kultura Aretoan, eta aurten ere ez du hutsik egin. Emakumeek egiten dituzten artelanak izango dira ikusgai Martxoaren 6tik 10era.
Honakoak dira beste ekitaldiak:
- Martxoak 4 (larunbata), 18:00etan, Gezala Auditoriumean, Sufragistas lanarekin bideo-foruma (gazteleraz).
- Martxoak 6, (astelehena), 18:00etatik 20:00etara eta musika eskolan, Envejecer no es pecado y no está prohibido hitzaldia (gazteleraz).
- Martxoak 9 (osteguna), 11:00etan, Gurutze Santuaren plazatik abiatuta, Tipi Topa berezia.
- Martxoak 17 (ostirala), 19:30ean hasita eta Gezala Auditoriumean, Zinegoak Bilboko Nazioarteko Zine eta Arte Eszenikoen jaialdiko film labur irabazleekin emanaldia (euskaraz).
