Errenteria-Oreretako elkarteak, erabakitzeko asmoz
Erabakitzeko eskubidea gauzatuko dutela esan dute gaur eguerdian Errenteria-Oreretako ia elkarte gastronomiko guztiek, hau da, Demoarsok martxoaren 19ko erabakitzeko eskubidearen gaineko galdeketaren alde daudela esan, eta parte hartuko dutela esan dute.
Hori adierazteko, elkarte horietako ordezkariak Herriko Plazan bildu dira argazkia atera, eta lau haizetara zabaltzeko.
Demoarsoren bultzatzaile nagusi Gure Esku Dago-ko kideek, hein berean, oroitarazi egin dituzte martxoaren 19ko herri galdeketaren harira antolatutako ekitaldi nagusienak. Honakoak dira:
- Martxoak 4. Kanpainaren hasiera ofiziala Errenteria-Oreretan. 13:00etan txupina Herriko Plazan, eta 14:30ean herri bazkaria Merkatuzarren. Bazkarirako txartelak 10 euroan daude salgai, Errenteria-Oreretako Gure Esku Dago-k Maria Lezo kalean duen bulegoan. Dendaren ordutegia, astelehenetik ostiralera, 19:00etatik 20:00etara, eta larunbatetan 12:00etatik 13:00etara. 10 urtetik beherakoentzat bazkaria doan da.
- Martxoak 11. Lipdubaren entsegua, 11:00etan, Errenteria-Oreretako Herriko Plazan.
- Martxoak 12. Lipdubaren grabazioa egingo dute. 18:00etan estreinaldia Errenteria-Oreretako Gamon Zumardiko karpan. Argazki erakusketa jarriko dute aldi berean.
Elkarteetako ordezkariak, bandera eta guzti, gaurko agerraldian.
