[Bideoa eta galeria] Fred Astaire eta Ginger Rogers, Xanti eta Maialen

Musikal handia da Errenteria-Orereta inauterietan. Oarsoirriak iniziatibaren ekimenez, era guztietako pelikulen protagonistak daude herrian.

Urko Etxebeste

Errenteria-Orereta

2017/02/25

Ooarsoirriak Musikalean parte hartu dutenak, talde argazkian.

Musikaz beteriko inauteriak iragarrita zeuden Errenteria-Oreretan. Eta hala da. Musikalen gaiak hartu ditu kaleak gaur, eta horren adibide nabarmenena Oarsoirriak iniziatibak egin duen musikal ibiltaria izan da. Eguerditik bazkaldu arte (Merkatuzarren) doinu ezagun eta euskaldunez bete dute herria. Koreografia ere ez da falta izan, dantzari bakoitzak hobekien zekien moduan egin dio aurre musikari mugimendua emateko zereginari. Beti ez arrakastaz, baina uneoro umorez. Hori bai. Umore dosi izugarriak daude gaur herrian. Eta dantzarien buru, egunotako Fred Astaire eta Ginger Rogers bereziak: Xanti eta Maialen erraldoiak. Arratsalderako, biharko eta datozen egunetarako badaude inauteriei lotutako ekitaldi gehiago. Honakoak dira: Gaur (larunbata)

18:00: Musikalen Inauteria Photocalla, Herriko plazan.
18:30: Konpartsen desfilea, Pontikatik abiatuta.
20:15: Batukada Zozongo Perkusio taldearekin herriko plazatik abiatuta.
23:00: The Sparteens taldearen kontzertua. Zumardian.

Hilak 26, Igande inauteria

06:00: Txistularien diana, Pontika, Beraun, Galtzaraborda eta Alaberga.
12:00: Konpartsen desfilea Pontikatik abiatuta.
17:30: Txantxariak Familia giroko musika ikuskizuna Zumardian.

Hilak 27, Astelehen inauteria

06:00: Txistularien diana Gaztaño, Agustinak, Fanderia, Lartzabal eta Gabierrotan.
11:30: Go!Azen Filmaren emanaldia Niessen Kulturgunean.
17:00-19:00: High School musikalean oinarritutako txokoak. 6-12 urte bitartekoentzat. Merkatuzarren.

Hilak 28, Astearte inauteria

06:00: Txistularien diana Erdigunean.
18:00: Sardina ehorzketa iragartzeko erretreta Eliza kaleko amulleta elkartetik abiatuta.
19:30: Sardina Ehorzketaren hileta segizioa Bittor Idiazabal kaletik abiatuta. Ondoren bertsoak eta azken agurra. Sardina Panierreko zubitik behera ibaira botako da.

Martxoak, 5 Iñudeak eta Artzaiak

11:30: Piñata igandea, Iñude eta Artzaien desfilea Koldo Mitxelena plazatik abiatuta.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.