M19rako atzerako kontaketa Oiartzunen

Agerraldia egin dute gaur martxoaren m19ko (M19) herri galdeketaren gaineko hainbat xehetasun emateko. Herritar oro parte hartzera deitu dute.

Urko Etxebeste

Oiartzun

2017/02/25

Galdera ikur erraldoia egin dute herritarrek plazan.

Oiartzunen martxoaren 19ko herri galdeketaren atzerako kontuari hasiera eman diote gaur. Herri argazkia baliatu dute hori irudikatzeko. Demoarsoren demokrazia ariketa bultzatzeaz gain, erabakitzeko eskubidea gauza dezatela eskatu diote oiartzuar orori gaur Doneztebe plazan. Eta herrian martxoaren 19an erantzun beharreko galdera gogorarazi dute: Nahi al duzu euskal estatu bateko herritarra izan? Horrez gain, martxoaren 19ra begirako hainbat jardueraren berri eman dute, tartean, martxoaren 19a aurretik botoa emateko aukera badagoela oroitarazi dute, hainbat auzotan gainera. Honakoak dira jarduera horiek:

Martxoak 8, asteazkena: botoa emateko aukera, 18:00etatik 21:00etara, Kaskazuri plazako lokalean.
Martxoak 10, ostirala: botoa emateko aukera, 19:00etatik 21:00etara, Altzibargo plazan.
Martxoak 12, igandea: botoa emateko aukera, 10:30etik 12:00etara, Gurutzeko Bizardia elkartearen aurrean; botoa emateko aukera, 12:30etik 14:00etara, Karrikako Artaso elkartean.
Martxoak 12, igandean: Erabakichallenge, erabakitzeko eskubidearen aldeko iniziatiba erraldoia, 16:30ean, Doneztebe plazan.
Martxoak 15, asteazkena: botoa emateko aukera, 18:30etik 20:30era, Arraguako Lartzabal Etxadia Ako bigarren lokalean (Carcedo zenean).
Martxoak 17, ostirala: erabakitzeko eskubidearen aldeko ekitaldia, arratsaldez (ordua zehaztu gabe dago) herriko plazan.
Martxoak 19, igandean: erabakitzeko eskubidearen aldeko festa herri osoan zehar, egun osoz.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.