Errenteria-Oreretako Gure Esku Dago iniziatibako kideak mozioa onartu ostean.
Ohiko osoko bilkura egin du gaur plenoak. Bertan, Orereta-Errenteriako EH Bilduk, EAJk eta Errenteria Irabaziz alderdiek babestutako herri mozioa aztertu dute besteak beste. Martxoaren 19an Demoarsok egingo duen herri galdeketaren gainekoa zen mozio hori, eta aurrera egin du EH Bildu, Errenteria Irabaziz eta EAJko zinegotzien aldeko botoekin.
PSE-EEk mozioaren kontra egin du. Jose Angel Sanchez alderdi sozialistaren bozeramaileak adierazi duenaren arabera, “erabakitzeko eskubidea ez delako existitzen ordenamendu juridikoan”.
Herrien etorkizuna herritarren esku egon behar dela esan du Jaione Karrikiri, EH Bilduko zinegotziak, “demokrazia baita”, eta plenora bildu diren Erenteria-Oreretako Gure Esku Dago iniziatibaren kideei adierazi die ondoan izango dutela koalizio subiranista martxoaren 19an galdeketa egunean bertan, eta baita hara iristeko bidean ere. Herritarrei ere egin die deia Karrikirik: “Martxoaren 19an bozkatu egin behar dugu eta baiezkoa eman burujabe izan gaitezen guri dagozkigun erabakiak hartzeko. Herri bat gara, eta erabakitzeko eskubidea dugu. Herritarrak gara protagonistak”. Martxoaren 19ko galdeketa “erabat legitimoa” dela gaineratu du Julen Mendoza alkateak.
EAJk herrien etorkizuna herritarren eskutan dagoela, nabarmendu du, eta “alde edo kontra bozkatu” martxoaren 19an ariketa demokratikoa izango den galdeketan parte hartzera deitu ditu herritarrak.
Errenteria Irabaziz alderdiko Jon Collarrek bere aldetik, herri galdeketa “demokrazian sakontzeko tresna” dela esan du. Berak ere deitu ditu herritarrak bozkatzera.
Babesarekin pozik
Pozez eta txalo artean. Hala hartu dute Gure Esku Dago iniziatibako kideek plenoak gaur arratsaldean galdeketari erakutsitako babesa. Lau talde politikotik hiruk aldeko botoa eman izana positiboki baloratu du Xabier Oleagak: ” Hala ere ez dugu esperantza galtzen, aurrera begira, gaur ezezkoa eman dutenek etorkizun hurbilean baiezkoa eman dezaten. Hau hasi baino ez da egin”.
Ekimen sozialez bultzatutako galdeketa egingo dela baina babes instituzional osoarekin “gure kasuan Errenteriako udalaren babesarekin gaineratu du: “Argi dago ezin duela egon errenteriar bat, oreretar bat bozkatzera joan gabe, eta horretara deitzen ditugu herritarrak”.
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
