Hogei ametz, hogei urki

Berrogei zuhaitz aldatuko ditu Trintxer Mendi Taldeak igandean Ulia eta Mendiola artean.

olatz mitxelena

2017/02/28

Trintxer mendi taldekoak, Iramuno menditik gertu

25. urteurrena ospatzen ari da aurten Trintxer Mendi Taldea, eta igandean (martxoak 5) ospakizunari lotutako hurrengo ekitaldia dute: zuhaitz aldaketa. Mendi taldeko arduradunek jakinarazi dutenez 40 zuhaitz aldatuko dituzte, hogei ametz, eta hogei urki, guztiak Ulia eta Mendiola artean, “hogeita bost zuhaitz, urtemugaren urte bakoitzeko bat, eta beste hogeita bost, urte hauetan bidean gelditu diren bazkideen oroimenez”. Goizeko 09:00etan elkartuko dira Trintxer elkartean, Ulia eta Mendiola ingurura igotzeko. Adinaren araberako taldeak antolatuko dituzte, ondoren zuhaitzak aldatu, eta lanak bukatuta, berriz ere Trintxerpera jaitsi, eta Trintxerren barrikotea egiteko. 14:30ean hasiko da bazkaria. Irteeran, nola ez, urteurrenaren harira antolatutako lehiaketarakoa argazkiak ateratzeko aukera egongo da. Barrikotera joan nahi dutenek bihar arteko epea dute izena emateko (martxoak 1), eta horretarako Sonesa kirolak dendara jo, edota ondoko telefono zenbakietara dei daiteke: 943 39 07 21 edo 679 233 660. Trintxer Mendi Taldeko kideek Donostiako eta Pasaiako udalei eskerrak eman nahi dizkiete, zerbitzu teknikoengatik eta eskaini dieten laguntzarengatik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.