Aitzol Gogorza ospitalean da berriz ere

Azken urteetan 27tan igresatu dute ospitalean. Bost eguneko gose greba egin berri du Oreretako presoak 100.2 artikulua ezartzea eskatzeko.

Ikerne Zarate

Errenteria-Orereta

2017/03/01

Gogorza eta larri gaixo dauden gainontzeko esukal presoak etxeratzea eskatzen duen pankarta.

Aitzol Gogorza larri gaixo den Oreretako presoa ospitalean da berriz ere. Astelehenean atera zuten Basauriko espetxetik ospitalera eramateko eta bertan da ordudanik. Nahasmendu obsesibo konpultsiboa du Gogorzak, eta astelehenean antsietate krisi bat eman ondoren eraman zuten ospitalera, Arantxa Otaegi Gogorzaren amak, jakinarazi duenez: “Gutxienez beste egun pare bat ospitalean egon beharko du Aitzolek esan digutenaren arabera”. Atzo izan zuen Otaegik semea ikusteko aukera. 19 urte daramatza espetxean Aitzol Gogorzak. Egun, Basauriko (Bizkaia) espetxean dago. Bere eritasunagatik azken urteetan 27tan igresatu dute ospitalean, horietako bitan tronboenbolismo bategatik. Bost eguneko gose greba burutu berri du Oreretako presoak bere egoeragatik protesta egiteko, eta preso gaixoen gainean legeak aurreikusten duen 100.2 artikulua ezartzea eskatzeko. Abuztuan ere egin zuen borrokaldi hori. Joan den asteburuan bestalde, hainbat ekintza egin dituzte Errenteria-Oreretan Gogorzari babesa erakutsi eta hura etxeratzea eskatzeko. Sarek agerraldi jendetsua egin zuen larunbatean, eta bertan Gogorzak bizi duen egoeraren atzean “mendekua”dagoela salatuta, 100.2 artikulua aplikatzeko oreretarrari eskatu zuten bildutakoek. Igandean berriz, nazio manifestazioa deitu zuen AEM-k Amnistiaren Aldeko eta Errepresioaren Aurkako Mugimenduak Gogorza eta larri gaixo dauden presoak etxeratzea eskatzeko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.