Edukiontzi sistemari "boikota" egiten ari direla salatu du Lezoko EAJ-k

Edukiontzi sistemaren kontra daudenen jarrera bilketa datuetan eragin negatiboa ari dela izaten zehaztu du EAJk. Errespetua eskatu du.

Urko Etxebeste Petrirena

Lezo

2017/03/14

Bost edukiontzien sistema martxan da jada Altamiran.

Edukiontzi sistemaren kontra daudenak, sistema horri ” boikota” egiten ari direla salatu du Lezoko EAJk, eta “horien ekintzak bilketa emaitzetan eragin negatiboa” izaten ari direla zehaztu: “Asko dira hondakinak gaika modu egokian sailkatzen jarraitu nahi duten bizilagunak, eta uste dugu ez dela bidezkoa sistemaren aurkako jarrera hartu dutenek herritarren gehiengoaren esfortzua zapuztea”. Errespetua eskatu diete jeltzaleek bost edukiontzien sistema egoki erabiltzen ari ez direnei, “denok helburu bera dugu, hau da, gaikako bilketako emaitzak hobetzea sistema batekin edo bestearekin izan. Guztion ardura da sistemaren erabilera egokia egitea”. Horrela, herritarrak animatu dituzte hondakinak gaika modu egokian sailkatzen jarraitzera. Atez atekoa ordezkatua izan den herrietan, bost edukiontziekin hondakinen bilketaren emaitza hobetu egin dela nabarmendu du EAJk, eta adierazi du “herritarren gehiengoaren nahiari eta eskaerari erantzuteko” ezarri dela lehenik Altamiran, eta ekainetik aurrera herri osoan bost edukiontzien bilketa sistema. Hori dela eta, udal gobernua zoriondu du EAJk, “eta espero dugu, guztion artean, errespetua eta borondatea oinarri hartuta, sistema modu arduratsu eta zentzudunean erabiltzea, eta bilketa datuak hobetu ahal izatea”. Udalak gaikako bilketari buruz esandako hainbat datu bere egin ditu, aldi berean, Lezoko EAJk.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.