Hiru oreretarrak askatzea eskatu dute

Jende ugari bildu zen atzo Errenteria-Oreretako Herriko plazan, Iruñean atxilotutako lau oreretarrei babesa erakutsi, eta espetxeratu dituzten hirurak askatzea eskatzeko.

Ikerne Zarate

Errenteria-Orereta

2017/03/14

Atzo arratsaldean Herriko Plazan egindako elkarretaratzea.

Jende ugari bildu zen atzo Errenteria-Oreretako Herriko plazan, Iruñean atxilotutako lau oreretarrei babesa erakutsi, eta espetxeratu dituzten hirurak askatzea eskatzeko. Espainiako poliziak, Iruñean izandako liskarren harira atxilotu zituen lau herritarrak, horietako bat adin txikikoa da eta atxilotu eta ordu batzuetara aske utzi zuten. Beste hirurak atzo eraman zituzten epaile aurrera. Espetxeratzeko agindua eman zuen eta desordena publikoak eta terrorismoa egotzi die hiru gazteei. Ondorioz, Espainiako Auzitegi Nazionalera bidali du auzia epaileak. Atzo arratsaldean Errenteria-Oreretan egin zuten elkarretaratzea, ez da deitu duten bakarra, Gasteizen ere egin zuten babesa erakusteko elkarretaratzea. Atxilotuek etxetik kanpo ere jasoko dute babesa gaur. Besteak beste, Tarragonan (Katalunian) 19:00etan elkarretaratzea deitu dute Estatua dels despullatsen; Castelloko Maria Agustina plazan eta Valentziako Colonen (Herrialde Katalanak) ere egingo dituzte elkarretaratzeak 19:00etan eta 20:00etan, hurrenez hurren; Madrilen Callaon bilduko dira 18:00etan. Batzarra gaur Errenteria-Oreretan Oreretako Gazte Mugimenduak batzarra deitu du gaur, 17:30ean Herriko plazan. Iruñean atxilotutako lau gazteen absoluzioa, eta espetxeratu dituzten hirurak askatzea eskatzeko hemendik aurrera egingo dituzten urratsak zehazteko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.