Korrika berotzeko ariketa asko Lezon

Apirilaren 4an iritsiko da 20. Korrika Lezora. Hori baino lehen, hainbat ekitaldi antolatu ditu herriko Korrika Batzordeak.

Urko Etxebeste Petrirena

Lezo

2017/03/22

19. Korrika, 2015ekoa, Lezon.

Apirilaren 4an, 17:10 aldera, iritsiko da Lezora 20. Korrika. Otxandion (Bizkaia) abiatuko da hilaren 30ean, eta AEKren iniziatibak erdialdea izango du gutxi gorabehera Oarsoaldetik pasatzen denean. Horren harira, Lezon Korrika Batzordea osatu, eta beroketa ariketa behar bezala egiteko egitaraua prestatu dute. Batzordean 10-12 laguneko taldea biltzen egon da ekitaldi sorta osatzeko. Honakoa da egitaraua:

Hilak 23an (bihar), 19:00etan, Oroitzene AEK euskaltegian, Korrikaren aurkezpena eta BatZuk dokumentalaren emanaldia.
Hilak 25 (larunbata), 11:30etik aurrera, Korrika Tonbola Gurutze Santuaren plazan.
Hilak 27 (astelehena), 18:00etan, Oroitzene AEK euskaltegian, Jon Maiaren Jatorria, identitatea eta elkarbizitza hitzaldia.
Hilak 31 (ostirala), 15:00etan, Korrika Txikia Goiko plazatik Saldise plazara.
Apirilak 1 (larunbata), 11:00etan, Korrika Eguna, honako egitarauarekin: 11:00etatik aurrera herriko kaleak girotuko dituzte txistulariek, trikipoteoan arituko direnek eta bestelakoek; 14:30ean, herri bazkaria Tiñelun (sarrerak 15 euroan Tiñelun eta Oroitzenen); 17:00etan hasita, kontzertuak Saldise plazan.
Apirilak 4 (asteartea), Korrikari harrera egiteko bilduko dira. 17:10 inguruan iritsiko da Lezora, Gaintxurizketako biribilgunera.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.