Berritu diren haurren parkeak Sagardiandiakoa, Lopenekoa eta Zubitxokoa izan dira. Aurrerago Altamirakoa eta Isastikoa berrituko dituzte.
Berritu duten parkeetako bat.
Sagardiandiko, Lopeneko eta Zubitxoko haurren jolas parkeak berritu ditu Lezoko Udalak. Tramankulu berriak jartzeaz gain, parke horiek seguruago eta atseginago izateko lanak egin dituzte, besteak beste, zoru berria jarriz. Aurrerago Isastiko eta Altamirako parkeetan egingo dituzte berritze lanak.
Iaz hasi zituen hobekuntza lan horiek udalak. Hala, herriko etxearen esanetan, euren asmoa da herritarren egunerokotasuna eta bizi kalitatea hobetzea, “udalak haurrei euren aisia denboraz gozatzeko eremu egokiak bermatu behar dizkie”. Zentzu horretan kokatu dute Herri Eskolako jolastokian estalkia jartzea; udan egingo dituzte lan horiek.