Atzo porturatu zen, euskal kostaldean zehar hondakinak biltzeko kanpainan aritu eta gero.
Boluntarioak, Mater itsasontzian, kanpaina bitartean plastikoa biltzen.
Mater itsasontzi museoak EkoFish deritzan kanpainan aritu da azken asteotan. Bilbon hasi zen kanpaina, hilabete hasieran, eta orduz geroztik 50 milia baino gehiago egin ditu itsasontziak, portutik portura, 70 boluntarioren laguntzaz,
euskal kostaldean begiztatutako hondakinak biltzen.
Kanpainak iraun duen bitartean 500 ikasletik gora parte hartu dute sentsibilizazio tailerretan,
Mater itsasontziak portutik portura eskainiak.
Kanpaina amaitzear, atzo porturatu zen Pasaian
Mater, Getariako portutik zetorrela, eta orain sentsibilizazio kanpinaren azken txanpari ekingo diote, Pasaian bertan.
Minutuero kamioi bat hondakin
‘Mater’ itsasontzia, Getariatik, Pasaiara bidean.
Urtero 8 milioi tona hondakin jaurtitzen dira itsasora, minutuero kamio bat hondakin, kanpainaren sustatzaileek nabarmendu dutenez.
Arazoa larri dela nabarmendu dute, eta plastikoaren arazoaz hitz egiteko ordua dela aldarrikatu. Bide horretan, garbitzea baino prebentzioa lantzea eraginkorragoa dela iritzi diote: “Garrantzitsua da bakoitzak bere ardura hartzea eta martxan jartzea hondakinen murrizketa, berrerabilpena eta birziklatzea”, eta “guztiok erantzule garen neurrian” herritar denak animatu dituzte kanpainan parte hartzera.
Zehaztu dutenez, horretarako hiru modu daude aukeran: itsasoa garbitzeko boluntario gisa, tailer eta hitzaldietan parte hartuz, edota nabigatzaile bezala, portuz portu
Mater itsasontzian nabigatzen, eta modu horretan, kanpainaren finantzazioan laguntzen.
Pasaiarako landu duten egitaraua, gaur hasi (hilak 22) eta igandera bitartean iraungo du. Aukeran daude, tailerrak, bisita gidatuak, eta itsasora irteerak.
Jardueretan parte hartzeko aurrez izena eman behar da. Informazio gehiago Mater Museoaren
webgunean lor daiteke.
Egitaraua