[Galeria eta bideoa] Hilabete amaierara, gorriak ikusita

Bizi baldintzak okertzen ari direla esan dute Duintasunaren elkarretaratzera bildutako hamarnaka lagunek, eta pentsio duinak eskatu dituzte beste behin ere.

Ikerne Zarate Gartziarena

Errenteria-Orereta

2017/04/03

Jendetsua izan da gaur ere Duintasunaren elkarretaratze eta manifestazioa.

Asko eta asko dira hilabete amaierara gorriak ikusita iristen diren familiak. Hori da gaurko elkarretaratzean eta manifestazioan Duintasunak, Gipuzkoako Jubilatu eta Pentsionisten elkarteak zabaldu eta salatu duena ozen. Bizi baldintzak okertzen ari direla esan dute bildutako hamarnaka lagunek, “pobretutako klase sozial baten kide izanik, ezberdintasunak sakontzen dituen egoeran gaude, lan prekarietatearen ondorioz, pentsio ziztrinak eta soldata baxuak ditugu”. Gizarte babeserako politikak “lehentasuna” direla esan dute eta pentsio duinak eskatu dituzte, beste behin ere. Elkarretaratzean babesa erakutsi die Duintasunak udal egoitzetako garbiketa eta Jesusen Bihotza erresidentziako langileei. Borrokan ari dira lan baldintza eta hitzarmen duin bat lortzeko. Elkarretaratzea eginda, hileko lehen astelehenero bezala manifestazioa egin dute herriko kaleetan barrena. Pentsioen aldeko oihuak izan dira nagusi, baina etxe kaleratzeen kontrakoak ere entzun dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.