Liburutegietako murrizketak salatu ditu EH Bilduk

Udal Gobernu Taldea herritarren beharrei bizkar emanda ari dela salatu du koalizio abertzaleak.

olatz mitxelena

2017/04/05

EH Bilduren zinegotziak Antxon salatu dituzte murrizketak; Antxon, asteazken goizetan eta ostiral arratsaldetan itxiko dute liburutegia.

Pasaiako Udalak liburutegietako ordutegi berriak iragarri ditu, baina EH Bilduren iritziz, ordutegi berriak baino, “zerbitzu murrizketak dira, argi eta garbi”. Pasaiako lau liburutegietako zerbitzuak gutxitu dituztela salatu dute, esan dutenez, udal gobernu taldeak ez duelako liburuzainen ordezkapenak egiteko asmorik. Koalizio abertzaleak zehaztu duenez, San Pedroko liburutegiko asteazken eta ostiraleko zerbitzua kendu dute; Trintxerpen ostiralekoa, eta Antxon, asteazken goizeko eta ostiral arratsaldeko zerbitzuak kendu dituzte. Horrez gain, Donibaneko liburutegia urrira bitartean itxita egongo dela salatu dute. Liburutegi berria zabaldu behar dute Donibanen, eta lekualdaketarako lehengo apirilaren 1az geroztik itxita dago liburutegi zaharra. Kudeaketa negargarria EH Bilduren iritziz, EAJk eta PSE-EEk “kudeaketa negargarria” egiten ari dira, “herritarren beharrak haien lehentasuna ez direla agerian utziz”. Bide beretik, alkateordetzetako zerbitzua %75ean murriztu dutela salatu dute. Orain gutxira arte, astean behin hartzen zituzten herritarrak lau barrutietako alkateordetzetan, baina udal gobernu taldeak erabaki berri du aurrerantzean hilean behin eskaintzea zerbitzua.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.