Liburutegia, plaza publikora
Liburutegi berria izango du datorren ikasturtean Donibanek; barrutian, aukera baliatu nahi izan dute liburutegi ereduaz hausnartzeko eta proiektua, hastapenetatik, komunitatean trinkotzeko.
Kuadrillategiko gazteak, liburutegira egindako bisita gidatuan, proposamenak lantzen.
Liburutegi eredu ezberdinak ezagutzeko aukera izan zuten herritarrek bisita gidatuetan.
Haur eta gurasoek elkarrekin egoteko tokia izango dute
Baina liburutegien funtzio sozialak askoz harago joan beharko lukeela iritzi dio Anzuelak: «Gure herrietan zein espazio dago guztiontzat irekia, ordutegi zabalean, haur eta helduentzat?». Hutsune horri erantzun eta liburutegi publikoek herritarren «topagune» izan behar dutela uste du, gurasoak, aiton-amonak, haurrak, gazteak, zein nerabe guztiak elkartzeko gune, «komunitatearen identitatea indartu, eta tokikoa biltzeko».
Sormena eta ludikotasuna
Liburutegi publikoek aspaldi ekin diote eraldatze prozesuari, eta Donibanen, liburuen biltegi soil bat izateko aukera aspalditik baztertu dute. «Liburutegiak, gero eta gehiago, integraziorako eta aisialdirako espazioak dira, aktibitatez betetakoak».
Zentzu horretan ludikotasunak liburutegietan funtsezko tokia behar duela defendatu du Anzuelak. «Ez dira toki aspergarriak izan behar. Herritarrak elkartzeko gune bat izan behar dute, eta elkartze hori, liburu baten bueltan gerta daiteke, baina baita film baten inguruan, edota tailer eta ikastaro baten aitzakian ere. Kontua da liburua bitarteko bat bezala ikustea, eta ez helburu gisa».
Dena ondo bidean, datorren ikasturtean zabalduko dute liburutegi berria Proiektu berritzaile bat landu dute, gaur egungo beharretara egokituaNorabide horretan, Donibaneko liburutegi berrian, espazioak konpartituak izango dira, gazte eta helduentzat, eta arauak adostuak. Isiltasunean irakurri eta lan egiteko aukera bermatuko da, gela bakartuan, baina askoz erabilera aberatsagoa eman nahiko liokete espazioari. Horregatik, besteak beste, sorkuntza gela atondu eta sormenari garrantzia berezia emango diote.«Haurrek ez dute toki askorik, baina helduek? Ez ditugu espazioak sorkuntza bultzatzeko», ohartarazi du Anzuelak. Horregatik, sormen lan horiek komunitatean egiteko aukera zabaltzeari funtsezkoa deritzo Donibaneko liburuzainak. Besteak beste, teknologia berriei eskaini nahi diete tokia, eta grabatu, sortu, eta editatzeko aukera eskaini, talde lanean. Sormenari balioa emateko ahalegin horri erantzunez, beste asmo berritzaile bat ere badu buruan Anzuelak: «Suedian gazte liburutegiak dituzte eta gazteek beraiek egiten dutena jartzen dute maileguan liburutegian. Hori gustatuko litzaidake hemen egin ahal izatea, gazteekin eta haurrekin. Beraiek sortu, guk katalogatu eta ondoren maileguan jarri». Horrez gain, irakurketa intimoa ahalbidetzeko txoko oso berezi bat eraiki nahi dute, bereziki txikienekin pentsatuta. Txalupa baten formaz eraiki nahi dute irakurketa txokoa, Albaolako arotzen laguntzaz, herritarrekin auzolanean. «Nortasuna izango duen liburutegi bat nahi dugu, igarri dadila Pasaiako liburutegia dela, Donibanekoa». Sorkuntza gelaz gain, topagune gela egongo da, Anzuelaren hitzetan «proiektuaren ardatza, liburutegiak agora behar duelako, plaza». Tokiko bilduma Urrutikoari soilik ez. Gertukoari eta tokikoari ere erreparatuko diote, jaso, bildu, eta sortzeko asmoz. Fototeka egongo da eta tokiko bildumak espazio berezitua izango du. Hasteko badute proiektu erakargarri bat: Donibaneko liburutegiaren historia dokumental batean jaso. Kuadrillategiko gazteek hartu dute horretarako ardura, eta ondoren, sortutako edukia maileguan jarriko dute. Bistan denez, egitasmoak ez dituzte faltan. Jatorrizko proiektutik zer eramango duten aurrera ziur ez dakite, liburutegiko arduradunak adierazi duenez, baliabideen arabera gauzatuko direlako asmoak. Baina ilusioa ez dute saltzeko, eta oztopoak oztopo, aurrera egin nahi dute, hankak lurrean, baina iparra galdu gabe.
Proiektu berriak lagunak bildu ditu Donibanen
Komunitatearen zerbitzura egon nahi duen proiektu batek, ezinbestean, herritarrekin kontatu behar du hastapenetatik , eta horixe izan da, hain zuzen, Donibaneren kasua. Aspaldi jarri zen martxan proiektua definitzeko prozesu parte hartzailea, aurreko agintaldian zehazki, eta ordutik hainbat gorabehera izan badira ere —hasierako proiektuaren aldaketa tarteko— herriko eragileek gertutik jarraitu dute egitasmoa. Bide horretan erabakigarria Liburutegien Lagunak taldearen sorrera izan da. Iazko abenduan sortu zuten taldea hainbat herritarrek eta, Anzuelaren iritziz, taldearen sorrera «funtsezkoa» izan da proiektua komunitatean trinkotzeko». Eva Salaberria taldeko kidea da. Hark gogoratu duenez, Anzuelak «bultzatuta» sortu zuten taldea. «Liburutegiaren kontzeptua zabaldu, kontzeptu tradizional horri buelta bat eman, eta batez ere, auzolanean, proiektua biziberritzeko», adierazi du Salaberriak. Baina taldea ez da hausnartzera mugatu. Jarduera batzuk ere antolatu dituzte, horietako hainbat, gainera, oso harrera onarekin. Salaberriak kontatu duenez, gutxienez hilean behin biltzen dira, eta bilkura horietan erabakitzen dute, besteak beste, zer antolatu. «Jolasak antolatu genituen udan, eta Pasaiako historiari erreparatu nahi dion taldetxo bat ere sortu da», azaldu du.Itsasontzi bat eraikiko dute, irakurketa txokoan jartzekoHorrez gain, Donibanen Hugoenea dagoela baliatuta, hitzaldiak antolatzen hasi da taldea: «Idazleen Etxea Donibanen dagoela aprobetxatuz, lanera etortzen diren idazleekin hartu-emana egin, eta liburutegira gonbidatzen ditugu, herritarrei beren lanaren berri emateko». Liburuaren bueltan ere antolatu dituzte pare bat jarduera. Liburutegian zituzten ale bikoiztuekin, esaterako, liburu trukeak egin dituzte. «Herritarrek liburu bat hartu eta beste bat uzten zuten trukean liburutegian», zehaztu du. Bide beretik, udan, herriko lau tokitan liburuak utzi zituztela gogorarazi du Salaberriak, nahi zuenak oporretan irakurtzeko har zezan. Antolatzaileek hala eskatuta, ondoren, oporretara eramandako liburuekin argazkiak egin eta askok bidali zuten taldeak Faceboock-en duen orriaren bidez zabaltzeko. Salaberriak nabarmendu duenez, «jarduera horrek arrakasta izan zuen, eta oraindik ere badago taberna bat egitasmoari eutsi diona». Bisita gidatuak Liburutegiaren Lagunak pozik dago bisita gidatuek izan duten harrerarekin, «jende dezente hurbildu» zelako. Bisita horietan auzolanerako hurrengo zita adostu zutela zehaztu du Salaberriak. Maiatzaren 6an elkartuko dira, 17:00etan, irakurketa intimora bideratu nahi duten altzaria (itsasontzia) eraikitzen hasteko. Hilean behin elkartzeko asmoa dute. Taldeak, beraz, etorkizunean lanean jarraitzeko asmoa du: «Ikusita liburutegietan zein murrizketak egin dituzten, uste dugu, nahitaez, talde honek funtzionatu behar duela». Liburutegi zaharra itxita herritarrak ezin direla geldi geratu argi du. «Bitartekoekin kezka» dagoela dio, eta proiektu berriak «denon bultzada» behar duela nabarmendu du.
