Lafayetten zeharkaldia, aurten Pasaiatik Bordelera

Belaontziak ekainaren 9an irtengo dira Pasaiatik, Lafayettek 1777. urtean egin zuen bidaia gogoratuz.

olatz mitxelena

2017/04/26

Antolatzaileak eta udal ordezkariak gaurko aurkezpenean.

Iaz egin zen estropada berezi hau lehenbizikoz, eta harrera eta arrakasta ikusirik bigarren aldiz antolatzea erabaki dute. Gaur aurkeztu dute II. La Victorie estropada, Pasaiako udaletxean. Lafayettek 1777an egin zuen bidea gogoratzea du asmoetako bat iniziatibak. Antolatzaileek aurreratu dutenez, Pasaia irteera lekua izango da aurten, eta ez helmuga, iaz bezala. Kontrako norabidean egingo dute aurten, beraz, zeharkaldia. La Victoire estropada, Hondarribiko Nabigatzaileen Elkarteak antolatzen du, Bordeleko Port Medoc-eko Circle Nautique du Verdon elkartearekin elkarlanean. Gaur zehaztu dutenez, 30 belaontzi inguru espero dituzte aurtengo zeharkaldian. Ekainaren 9an irtengo dira Pasaiatik, eta haizea aldeko, ibilbidea egun bakarrean osatzea espero dutela adierazi dute. Hala ere, estropada bat baino zeharkaldi bat egin nahi dutela nabarmendu dute, eta zentzu horretan, parte hatzera deitu dute. Estropada hasi aurreko egunetan, ekainaren 7an zehazki, Pasaian hiru belaontzi ikusgarri porturatuko direla aurreratu dute, eta aipatu belaontziek zeharkaldian parte hartuko dutela iragarri.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.