Espainiako txapelketa Koxtapeko emakumeentzat

Asteburuan Sestaon jokatutako txapelketa irabazi dute sanjuandarrek.

olatz mitxelena

2017/05/02

Arraunlari eta prestatzaile sanjuandarrak, Sestaon.

Donibaneko emakumeak eta Zierbenako mutilak. Horiek dira aurtengo Espainiako Batel txapelketako irabazleak senior kategorian. Sestaon jokatu da asteburuan Espainiako Batel Txapelketa. Koxtapek hiru txartel eskuratu zituen larunbateko sailkapen estropadan, eta igandeko finaletan, berriz, urrezko domina bat (neskena) eta bi laugarren postu, mutil gazte eta kadeteenak. Hibaikako emakume seniorrek txapelketari uko egin ondoren (ez dira lehiatu), Errenteria-Oreretako neska kadeteak izan dira asteburuan protagonista. Zilarra irabazi dute Espainiakoan, Orioren atzetik. Vila de Cangas taldeko galiziarrentzat izan da brontzea kadeteen mailan. Trainerillen lehia martxan da Batelen denboraldia bukatuta, trainerillek hartu dute arraunean lekukoa. Asteburuan hasi da Gipuzkoako Liga eta hiru estropada lehiatu dira, lehena Zumaian, Zarautzen bigarrena, eta Donibanen hirugarrena eta azkena, atzo goizean. Seniorren kategorian, Koxtapeko neskek eta Hondarribiko mutilek irabazi dute Donibanen. Nesketan Hibaikako B eta A trainerillak izan dira bigarren eta hirugarren, hurrenez hurren, eta mutiletan, San Juan bigarren eta Orio hirugarren. San Pedro bosgarren izan zen, Getariaren atzetik, eta Hibaika bederatzigarren. Batelen sailkapena 1 Batelen Sailkapena 2 trainerillak Donibane

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.