Diru Sarrerak Bermatzeko Errenta jasotzen dutenak mobilizatzera deitu ditu Duintasunak

Gipuzkoan Diru Sarrerak Bermatzeko Errenta jasotzen dutenen %27, 4.096 pertsona, pentsiodunak dira eta horietatik 2.745 emakumeak.

Ikerne Zarate

Errenteria-Orereta

2017/05/04

Pentsio duinen alde egin du gaur berriz ere Duintasunak

Astelehenean berriro hartuko ditu kaleak Duintasunak.

Gipuzkoan Diru Sarrerak Bermatzeko Errenta jasotzen dutenen %27, 4.096 pertsona, pentsiodunak dira eta horietatik 2.745 emakumeak. Errenta jasotzen duten guztien artetik (67.797) erdia baino gehiago dira emakumeak, 35.951, hain zuzen ere. Duintasuna, Gipuzkoako Jubilatu eta Pentsiodunen elkarteak emandako datuak dira aurreko horiek, eta gogor salatu du elkarteak, Eusko Jaurlaritza osatzen duten EAJ eta PSE-EE legea beteta %8ko igoera ezarri beharrean, KPI Kontsumo Prezio Indizearen igoera baino ez aplikatu izana, %1,5ekoa, alegia. Horren aurrean, Diru Sarrerak Bermatzeko Errenta jasotzen dutenak mobilizatzera deitu ditu Duintasunak. Datorren astelehenean, hilak 8, kaleak hartuko ditu berriz ere elkarteak pentsio duinak eskatzeko. Hileko lehen astelehena jai eguna izanik, bigarrenean egingo dute elkarretaratzea eta manifestazioa. 11:00etan hasiko dute protesta Herriko plazan eta herritar guztiak deitu dituzte parte hartzera.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.