Lezoarren %36,5ek hitz egiten du euskaraz
Euskaraz zenbat hitz egite den neurtzeko, 2016ko udazkenean neurketak egin zituen Soziolinguistika Klusterrak. 2014ko datuak hobetu egin dira.
Klusterreko Belen Uranga, datuen aurkezpenean izan zirenei azalpenak ematen.
- Erdialdea. Euskara gehien erabiltzen den eremua da, %45,2. Azken urteetan erabilera mantendu egin da.
- Lazon-Pildain eremua. Gutxien erabiltzen den eremua da, %27,6ko erabilerarekin. Gora egin du erabilerak azken neurketetako datuei erreparatuz gero.
- Urdaburu (Jaizkibel hiribidea, Karlos Saldise eta Ijurko ingurua). %28ko erabilera dago bertan. Azken urteetan erabilera asko jaitsi da.
- Zubitxo-Elias Salaberria eremua. %34ko erabilera dago bertan, gora joan da azken urteetan.
Euskararen erabilera datuak, urtez urte, adin tarteka banatuta.
- 1990etik 2016ra, euskararen erabileraren datu orokorra puntu eta hiru hamarrekotan hazi da. Urtetik urtera aldaerak izan dira. Daturik eskasena 1994koa izan zen (%26,4), eta oparoena 2012koa (%41,8).
- Gazteen artean hazi da gehien euskararen erabilera. Haurretan, mantendu egin da.
- Helduen erabilerak gora egin du azken 26 urteetan.
- Adinekoenak, berriz, nabarmen behera.
- 1986an euskaldunen batez bestekoa Lezon %46koa zen. 2011n (EUSTATen azken datu ofizialak), %56,2koa. Ia euskaldunak %17 dira herrian (datua 1986tik apena aldatu da).
- Kaleko elkarrizketetan, haurrak tartean daudenean, euskararen erabilera nabarmen handia da, %46,6koa.
- Helduen arteko elkarrizketen %27,2 da euskaraz.
- Sexuari erreparatuz, emakumeek %38,2an hitz egiten dute euskaraz, eta gizonek %34,8an. Segida historikoan, emakumeen erabilera pixkat jaitsi da, eta gizonena nabarmen igo.
- Inguruko herriekin, nahiz Gipuzkoako, EAEko edo Euskal Herriko datu orokorrekin alderatuta, Lezoko euskararen erabilera altuagoa da.
- Erabilera isotropikoa, hau da, espero daitekeena (Jose Luis Alvarez Enparantza Txillardegik sortutako formula batean oinarritzen da, ausazko elkarrizketetan izan daitezkeen aldagaiak kontuan hartzen dituena) %25.6koa da Lezon.
