Eskolartekoan, Oarsoaldea Igeriketakoak bikain baino gehiago

Oarsoaldea Igeriketa Kirol Elkarteko txikienek eta Kimu Mailakoek maila izugarri ona eman zuten Tolosan, orotara 19 domina irabaziz.

Urko Etxebeste

Errenteria-Orereta,Lezo,Oiartzun,Pasaia

2017/05/16

Tolosan izan ziren kirolariak, irabazitakoarekin.

Joan den asteburuan Gipuzkoako Eskolarteko Igeriketa Txapelketa jokoan izan da Tolosako Usabal kiroldegian. Zehazki, txikitxoenek eta Kimu Mailako kideek parte hartu zuten Tolosako lehian. Bertan izan ziren Oarsoaldea Igeriketa Kirol Elkarteko kideak. Emaitzak, ikusgarriak. datu bat: bertan izan ziren igerilari guztiek euren marka pertsonalak hobetu zituzten. Larunbatean txikienen txanda izan zen. Oarsoaldea Igeriketako kide guztiek euren marka onenak hobetu zituzten. Kirol elkartetik Aritz Zuazok egindako lana nabarmendu dute, bularreko 100 metroko proban laugarren izan zelako, sailkapen nagusian bederatzigarren izanez. Igandean, berriz, Kimu Mailakoen txanda izan zen. Domina zaparrada izugarria izan zen. Hona, puntuz puntu, lortu zituzten 19 dominen zerrenda:

Leire Arozenak urrea lortu zuen 100 bizkarrean eta zilarra 200 bizkarrean.
Lucia Zenborainek urrea irabazi zuen 800 libretan eta 100 tximeletan zilar izan zen.
Leire Parron hirugarren, brontzea beraz, izan zen 400 libretan.
Naia Garciak bi domina irabazi zituen: 100 libretan urrea, eta 200 libretan zilarra.
Gemma Lazarorentzat brontzea, kasu honetan 100 tximeletan.
June Ciak urrezko garaikurra lortu zuen 100 tximeletan, eta zilarrezkoa 100 estilotan.
Elaia Altuna, ordea, zilarra izan zen bular estiloan egin beharreko 100 metrokoan nahiz 400ekoan.
Elene Perezentzat ere bi domina: urrezkoa 200 estilotan, 200 bularrean.
Jorge Ortegak ere bi domina lortu zituen, urrezkoa 100 eta 200 bizkarrean.
Asier Tellado hirugarrena, brontzea izan zen 100 estilotan.
Erreleboak 4×100 libreak: Gemma Lazarok, Leire Arozenak, Lucia Zenborainek eta Naia Garciak osatutako taldeak urrezkoa irabazi zuen.
Erreleboak 4×100 estilotan: Leire Arozenak, Ane Zuazok, Lucia Zenborainek eta Naia Garciak osatutako taldeak brontzea eskuratu zuen.

Espainiako Txapelketara Herrialdekoan lortutako emaitza ezin hobeei esker, Oarsoaldea Igeriketa Kirol Elkarteko hainbat kidek Kimu Mailako Espainiako Txapelketan aritzeko eskubidea lortu dute. Lehia hori Bartzelonan izango da, Picornell igerileku mitikoan, uztailaren 19tik 23ra. Honakoak dira kirolari horiek:

Lucia Zenborain 100 tximeletan lehiatuko da.
Elene Perez 200 bularrean eta errelebokako 4×100 estiloetan lehiatuko da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.